თიბისისთვის ადამიანების ცხოვრების გამარტივება უკვე 33 წელია შეუცვლელ მისიად რჩება. ბრენდმა თავისი უწყვეტი განვითარების გზა სხვებისთვის გამოცდილებად აქცია და თითოეული ინიციატივით, ახალი პროექტის განხორციელებით, ცოდნისა და კომპეტენციის გაზიარებით განათლების N1 მხარდამჭერად რჩება — ადამიანებსა და ბიზნესებს აძლევს წინსვლის საფუძველს და ეხმარება მოტივაციის ზრდასა და განვითარებაში.

3 დეკემბერს თიბისი კონცეპტის სივრცეში გაიმართა ღონისძიება, რომელშიც თიბისის გენერალურმა დირექტორმა, ვახტანგ ბუცხრიკიძემ, პარტნიორებთან, განათლების სფეროს ექსპერტებთან და თიბისის სხვადასხვა პროექტის მონაწილეებთან ერთად ისაუბრა თიბისის განათლების ხედვაზე, მთავარ მიღწევებსა და განვითარების შესაძლებლობებზე.

თიბისისთვის განათლება ყოველთვის პრიორიტეტული მიმართულება იყო. ბოლო სამი წელია კი განათლება მნიშვნელოვან სტრატეგიულ მიმართულებად აქცია. ბრენდის მიზანია, განათლების მიღების მსურველებისთვის, ყველა ბარიერი გაარღვიოს, იმისთვის, რომ მათ მიღებული განათლებით შეძლონ ის, რაც აქამდე შეუძლებლად მიაჩნდათ.

"გვჯერა, რომ განათლება ცხოვრების გამარტივების ერთ-ერთი საუკეთესო საშუალებაა. ამიტომ, თიბისიში მიზნად დავისახეთ ადამიანებს მივცეთ განათლების მიღების შესაძლებლობები და ინსტრუმენტები, დაიჯერონ საკუთარი შესაძლებლობების და გააგრძელონ სვლა დასახული მიზნისკენ. ვასწავლით იმ სფეროებსა და თემებს, რომელთა ფარგლებშიც, თიბისის მრავალწლიანი ისტორიის განმავლობაში, დიდი გამოცდილება დაუგროვდა, იქნება ეს ტექი, AI თუ ბიზნეს დისციპლინები. გვინდა დავეხმაროთ ადამიანებსა და ბიზნესებს საქართველოში შეძლონ იმ ცოდნისა და უნარების დაგროვება, რომლებიც მათ კარიერულ და აკადემიურ ჰორიზონტს აფართოებს, ამასთანავე საერთაშორისო ასპარეზზე გასვლასა და წარმატების მიღწევაში დაეხმარება.“ — ვახტანგ ბუცხრიკიძე, თიბისის გენერალური დირექტორი.

თიბისი ტექსკოლა, თიბისი კამპუსი, AI საოლიმპიადო კურსი, IT აკადემია, რისკების აკადემია და პარტნიორებთან ერთად შექმნილი ტექნოლოგიური განათლების სხვადასხვა პროგრამა სკოლის მოსწავლეების, სტუდენტებისა და ახალგაზრდა პროფესიონალებისთვის, უზრუნველყოფს ხარისხიანი განათლების მიღებას. თიბისი განათლების პროგრამები, ახალ თაობას მთელი საქართველოდან, სრულიად უფასოდ აძლევს წვდომას შეისწავლონ თანამედროვე ტექნოლოგიები და ბიზნესმიმართულებები, რაც მომავალში მათ მარტივად დასაქმებასა და საკუთარი ბიზნესის წარმატებით მართვაში დაეხმარება.

ამასთანავე, თიბისი მიზნად ისახავს ბიზნესებს გაუზიაროს საკუთარი გამოცდილება და შესთავაზოს საგანმანათლებლო შესაძლებლობები, რომლებიც მათ თანამედროვე ბაზართან ადაპტაციაში დაეხმარება. ESG აკადემია, სხვადასხვა მიმართულების ტრენინგები და ბიზნესის განვითარების მხარდამჭერი არაერთი პლატფორმით, თიბისი ბიზნესებს ზრდაში ეხმარება და წინსვლის საფუძველს აძლევს.

ქვეყნისა და საზოგადოების წინსვლის ერთ-ერთი მთავარი გზა ადამიანების ინდივიდუალურ მიღწევებშია, რომლებსაც განათლების ხარისხისა და ხელმისაწვდომობის გაზრდა ქმნის. ამიტომ თიბისი განათლების პროექტებით სკოლის მოსწავლეებს, სტუდენტებს, ახალგაზრდა პროფესიონალებსა და ბიზნესის წარმომადგენლებს აძლევს საშუალებას მოემზადონ თანამედროვე სამუშაო ბაზრისთვის, მიიღონ ცოდნა ყველაზე მოთხოვნადი მიმართულებებით და დაეუფლონ მომავლისთვის საჭირო უნარებს.