უწყებათაშორისი საკოორდინაციო საბჭოს გადაწყვეტილებების განსახორციელებლად ოპერატიული მართვის შტაბი შეიქმნა. ამის შესახებ პრემიერ-მინისტრმა, გიორგი გახარიამ განაცხადა.

მისი თქმით, ოპერატიული მართვის შტაბი იქნება 24 საათის განმავლობაში მომუშავე უწყება, რომელიც სრულ კოორდინაციას გაუწევს იმ გადაწყვეტილებების შესრულებას, რომელიც უწყებათაშორისი საბჭოს ფარგელბში იქნება მიღებული.

"უწყებათაშორისი საკოორდინაციო საბჭოს პარალელურად, მის ქვემოთ, შეიქმნა ოპერატიული მართვის შტაბი. შტაბი მონაწილეობას მიიღებს საბჭოს გადაწყვეტილებების საინფორმაციო და ანალიტიკური მასალების მომზადებაში. გარდა ამისა, მსგავსი შტაბი შეიქმნება ყველა რეგიონში და მოქალაქეებს უახლოეს პერიოდში ექნებათ სრული ინფორმაცია ვინ არის ამ შტაბის ხელმძღვანელი. რაც ნიშნავს იმას, რომ ეს შტაბები იქნებიან ადგილზე უწყებათაშორისი საბჭოს გადაყწვეტილებების განმახორციელებლები და კორდინაციას გაუწევენ იმას, რომ ქვეყანამ გააგრძელოს ფუნქციონირება საგანგებო მდგომარეობის და საკმაოდ მძიმე კარანტინის პირობებში", — განაცხადა გახარიამ.