პანამის დოკუმენტების შესახებ გამართული მწვავე დებატების დროს ახალი ზელანდიის პრემიერმინისტრ ჯონ ქეის პარლამენტის სხდომა დაატოვებინეს. ინფორმაციას BBC ავრცელებს.

პალატის სპიკერის დეივიდ კარტერის თქმით, პრემიერმინისტრმა მისი რამდენიმე შენიშვნა და გაფრთხილება არ გაითვალისწინა:

"ის არ უნდა სარგებლობდეს რბილი დამოკიდებულებით პარლამენტის სხვა წევრებთან შედარებით".

ბიბისი ახალი ზელანდიის მედიაგამომცემლობაზე დაყრდნობით იუწყება, რომ პრემიერმინისტრის პოსტზე ყოფნისას ქეი უკვე მეოთხედ გააძევეს საპარლამენტო სხდომიდან.