ჯანდაცვის მსოფლიო ორგანიზაციის ოფიციალურმა წარმომადგენლებმა დაადასტურეს, რომ მათ ორ თანამშრომელს კორონავირუსის ინფექცია დაუდგინდათ. ორივე შემთხვევა ჟენევაში დადასტურდა.

"მათ დატოვეს ოფისი და ამის შემდეგ, შინ მისულებს სიმპტომები აღმოაჩნდათ. ტესტმა COVID-19 დაადასტურა. ამ დროისთვის ორი შემთხვევა გვაქვს", — განაცხადა WHO-ს წარმომადგენელმა კრისტიან ლინდმეიერმა.

უცნობია, მუშაობდნენ თუ არა აღნიშნული თანამშრომლები კორონავირუსის შესახებ ცნობებზე. ლინდმეიერმა დასძინა, რომ ორგანიზაციის თანამშრომლების დიდი ნაწილი სახლიდან მუშაობს.

შვეიცარიაში ბოლო დღეებში კორონავირუსის 2 200-ზე მეტი შემთხვევა გამოვლინდა.