პრეზიდენტი ახალგორის ჩაკეტვის გამო საერთაშორისო საზოგადოებას ზეწოლისკენ მოუწოდებს

პრეზიდენტი სალომე ზურაბიშვილი ახალგორის ე.წ. გამშვები პუნქტის ისევ ჩაკეტვას ტვიტერზე ეხმაურება. იგი ამას ოკუპირებულ ცხინვალის რეგიონში "ადამიანის უფლებების დარღვევად" აფასებს.

"გადაადგილების უფლება ადამიანის ფუნდამენტური უფლებაა, რასაც ყველამ პატივი უნდა სცეს. მოვუწოდენ საერთაშორისო საზოგადოებას, ზეწოლა მოახდინონ ყველა პასუხისმგებელ მხარეზე", — წერს ზურაბიშვილი ტვიტერის გვერდზე.

The closing of the Akhalgori crossing point is yet another violation of #humanrights in the occupied Tskhinvali reg.The right to movement is a fundamental right that must be respected.I call on the int. community to put pressure on all responsible parties to #openthecrossingpoint
— Salome Zourabichvili (@Zourabichvili_S) February 7, 2020

6 თებერვალს ოკუპირებული ახალგორი ისევ ჩაიკეტა. საოკუპაციო რეჟიმის ე.წ სახელმწიფო გამოცემა წერს, რომ ე.წ. გამშვები პუნქტი, რომელიც ხუთთვიანი ჩაკეტვის შემდეგ, 24 იანვარს გაიხსნა, 6 თებერვალს ისევ ჩაიკეტება. ჩაკეტილი გზის შემდგომში გახსნის თარიღებს კი დე ფაქტო უსაფრთხოების სამსახური დაადგენს და მოსახლეობას ადგილობრივი ხელმძღვანელობა აცნობებს.

ამავე თემაზე: