ქართული ოცნება - დემოკრატიული საქართველოს წევრი გია ვოლსკი მაესტროს გადაცემა ღამის კონტაქტში სტუმრობისას თავისუფალი დემოკრატების ყოფილი წევრების მხარდაჭერას გამოეხმაურა.

ჟურნალისტის კითხვაზე, აპირებს თუ არა მმართველი პარტია მათთან თანამშრომლობას, ვოლსკიმ უპასუხა, რომ ეს მათ დღის წესრიგში არაა და არც განიხილება:

"არაფერი გამორიცხული არაა, თუმცა ეს თემა დღის წესრიგში საერთოდ არაა, არ განიხილება ეს საკითხი".

ვოლსკიმ თავისი ყოფილი განცხადებაც განმარტა ვიქტორ დოლიძის შესახებ, რომლის მიხედვითაც ის დოლიძის "იმ რიგებში ხილვას ისურვებდა, სადაც სახელმწიფოსთვის მნიშვნელოვანი საკითხები წყდება" და აღნიშნა, რომ მას ბევრი დამსახურება აქვს ქვეყნის წინაშე.

ზურა აბაშიძემ, დავით ონოფრიშვილმა, გია ცაგარეიშვილმა და ვიქტორ დოლიძემ თავისუფალი დემოკრატები არჩევნებიდან რამდენიმე დღეში, 12 ოქტომბერს დატოვეს.