რუსთავი-ლილოს დამაკავშირებელი გზის გაჩიანის მონაკვეთზე მსუბუქი და სატვირთო ავტომობილის შეჯახების შედეგად ორი ადამიანი დაიღუპა. ორივე გარდაცვლილი მსუბუქი ავტომობილის მგზავრი იყო.

როგორც On.ge-ს შინაგან საქმეთა სამინისტროში განუცხადეს, ფაქტზე გამოძიება სისხლის სამართლის კოდექსის 276-ე მუხლის მე-8 ნაწილითაა დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.