ტიმ ბარტონი თუ დისნეი და რობ მარშალი - ვინ გადაიღებს ახალ მერი პოპინსს?
აღმოსავლეთის ქარი პირდაპირ მიგიყვანთ დანიშნულების ადგილამდე, თქვენ ალუბლების ქუჩას და სახლ ნომერ 17-ს ეძებთ, რადგან ეს წიგნი სწორედ ამ სახლზეა დაწერილი. სახლის ამჟამინდელი მეპატრონეები კი მისტერ და მისის ბენქსები არიან.
იმის შესახებ, თუ საიდან გაჩნდა ალუბლების ქუჩაზე მდებარე სახლში მსოფლიოს ყველაზე ცნობილი ძიძა, თავად ზღაპარიც ძალიან ცოტას გვეუბნება, ალბათ მერი პოპინსი აღმოსავლეთის ქარს გამოჰყვა.
პამელა ლინდონ ტრევერსი ყოველთვის ცდილობდა პირადი ცხოვრება და თავისი ავსტრალიური წარმომავლობა დაემალა. “თუკი ჩემი ბიოგრაფიული ფაქტები გაინტერესებთ მოიძიეთ ისინი მერი პოპინსში", - პასუხობდა ჟურნალისტებს.
მერი პოპინსის პერსონაჟის გამომგონებლის ცხოვრება არც ისე ბედნიერი იყო. გასაკვირი არც არის, ძირითადად ასეთი გმირები ხომ ნაცრისფერდღიანი, მაგრამ მეოცნებე მწერლების ფანტაზიის ნაყოფია.
პამელა ისევე გამოჰყვა აღმოსავლეთის ქარს, როგორც მისი პერსონაჟი. ტრევერსი ავსტრალიაში, ქალაქ მერიბოროში დაიბადა, მისი ნამდვილი სახელი კი ჰელენ ლინდოლ გოფი იყო.
ჰელენი მამის გარდაცვალებაში ყოველთვის საკუთარ თავს ადანაშაულებდა. მერი პოპინსის ისტორიაც ერთგვარი პატიების თხოვნა იყო მამისადმი. თუკი უფრო ღრმად ჩავეძიებით პოპინსის პროტოტიპულ სახეს, მას სწორედ პამელას ავსტრალიური ბავშვობის პერიოდში შეგვიძლია მივაგნოთ. ზღაპრული ძიძის ხასიათის რამდენიმე თვისება აღებულია მისი დეიდისგან, რომელიც ჰელენის ოჯახის დასახმარებლად და მათი მამის მოსავლელად ჩავიდა მერიბოროში. სწორედ აქედან იწყება ამბავი ძიძაზე, რომელსაც არავითარ შემთხვევაში არ უნდა ჰქონოდა მეჭეჭი.
ისტორია ზღაპრულ ძიძაზე პირველად 1934 წელს გამოიცა და რამდენიმე კვირაში ბავშვების, მოზარდებისა და სრულწლოვანების გულები ერთნაირად დაიპყრო. მათ რიცხვში შედიოდა ამერიკული რეჟისორი და ბიზნეს მაგნატი უოლტ დისნეი. დისნეი 20 წელი ცდილობდა ტრევერსი მისი ნაწარმოების ეკრანიზაციაზე დაეთანხმებინა. საბოლოოდ ავტორი დაითანხმეს ჩასულიყო ლოს-ანჟელესში და მონაწილეობა მიეღო სცენარის შექმნაში. თუმცა მისი მუდმივი უკმაყოფილება დიდი რისკის ქვეშ აყენებდა წამოწყებას.
დიდი დავა იყო მთავარი როლის შემსრულებელთან დაკავშირებით, რადგან მწერალს არც ერთი განხილული კანდიდატი არ მოსწონდა.
როლზე განიხილებოდნენ ისეთი მსახიობები, როგორებიც - ბეტი დევისი და ოდრი ჰეპბერნი იყვნენ. თუმცა საბოლოოდ მწერალმა საკუთარი არჩევანი ჯული ენდრიუსზე შეაჩერა.
მერი პოპინსმა დღის სინათლე 1964 წელს იხილა, ეკრანიზაციამ ოსკარის 13 ნომინაცია და 5 ჯილდო მიიღო. მათ შორის ჯული ენდრიუსმაც - საუკეთესო მსახიობი ქალის ნომინაციაში.
წიგნი დღესაც ისეთივე პოპულარულია, როგორც 80 წლის წინ როცა პირველად გამოიცა. რეჟისორები კი დღემდე ცდილობენ ყველა ბავშვისთვის საოცნებო ძიძა ეკრანზე გააცოცხლონ. უამრავი კინოვერსიის შემდეგ, ერთ-ერთი ვინც მის ეკრანზე გაცოცხლებას შეეცდება ტიმ ბარტონია, რომელიც მერი პოპინსს სხვა რაკურსით დაგვანახებს. მთავარ როლში ქეით ბლანშეტი იქნება, თუმცა ფილმის გადაღება კითხვის ნიშნის ქვეშ დგას.
თუმცა მანამდე ბარტონს დაასწრეს და რეჟისორმა რობ მარშალმა დისნეისთან ერთად ფილმის ახალი ვერსის გადაღება გადაწყვიტა, უფრო სწორედ კი მისი გაგრძელების. მიუხედავად იმისა, რომ მთავარი როლის მოსარგებად ერთმანეთს ჰოლივუდის ვარსკვლავები სამკვდრო სასიცოცხლოდ გადაეკიდებიან, მათ შორის ლედი გაგა, ენ ჰეთეუეი და ემილი ბლანტი, ბოლოს როლი სწორედ ემილის, ამერიკის ერთ-ერთ საყვარელ მსახიობს ერგო.
მასთან ერთად კი ფილმში მერილ სტრიპი, კოლინ ფერთი და ბენ უიშოუ გამოჩნდებიან.
ყველა ისტორიას აქვს თავისი დასაწყისი და დასასრული, ბავშვების საოცნებო ძიძის ისტორია კი არ მთავრდება. მისტერ ბენქსი აუცილებლად შეაკეთებს ფრანს, რომელსაც მისის ბენქსი აუცილებლად შეაბამს ახალ ბაფთას, მერი პოპინსი გაშლის ქოლგას, მიეფარება თვალუწვდენელ ცას და გაჰყვება აღმოსავლეთის ქარს, რომელიც საბოლოოდ 2018 წლის 25 დეკემბერს ფილმის პრემიერამდე მოიყვანს.
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
-
-
გადახედვაევროპარლამენტარი აუსტრევიჩუსი დარბევის ორგანიზატორების დასანქცირებას ითხოვს — რას პასუხობენ მას ქართულ ოცნებაში ევროპარლამენტარი აუსტრევიჩუსი დარბევის ორგანიზატორების დასანქცირებას ითხოვს — რას პასუხობენ მას ქართულ ოცნებაში
კომენტარები