პოპვარსკვლავ არიანა გრანდეს ცნობილი სიმღერის, Thank U, Next გამოსვლიდან ერთი წელი გავიდა. მომღერალმა იუბილე ტვიტერზე აღნიშნა და დასძინა, რომ თავს ბევრად უკეთ გრძნობს, ვიდრე ერთი წლის წინ:

"დღეს thank u, next-ის დაბადების დღეა. არ მჯერა, რომ ეს ერთი წელი იმაზე მარტო ვიყავი, ვიდრე მთელი ცხოვრება, რამდენჯერ ვიყავი ფსიქოთერაპევტთან, რამდენჯერ ვიმღერე ეს სიმღერა, რამდენი რამ ვისწავლე, განვიკურნე და კიდევ რამდენი მაქვს სასწავლი. პროდუქტიული, ემოციური, ველური და ბედნიერი წელი მქონდა".

არიანამ მადლობა გადაუხადა თავის მეგობრებსაც გვერდში დგომისთვის, რომლებიც მას ტურნეზეც ახლდნენ. ამერიკელი მუსიკოსი მსოფლიო ტურნეს ორი ალბომის, Thank U, Next და Sweetener, ფარგლებში მართავდა.

"თავს კარგად ვგრძნობ, იმის მიუხედავად რომ მილიონი კითხვა მაქვს. მე ეს მივიღე, თავს სრულფასოვნად ვგრძნობ და ვფიქრობ, რომ თქვენთვის უნდა გამეზიარებინა. მიყვარხართ", — დატვიტა გრემის მფლობელმა მომღერალმა.

არიანამ მეხუთე სტუდიური ალბომის მთავარი სინგლი, Thank U, Next დაანონსებისა და პრომოუშენის გარეშე გამოუშვა და ის 12 ქვეყანაში ჩარტების სათავეში მოექცა. სიმღერას გრანდე თავის ყოფილ შეყვარებულებს უძღვნის, კლიპის სცენების ინსპირაცია კი ჰოლივუდის პოპულარული ფილმებია: Mean Girls, Bring It On, 13 Going on 30 და Legally Blonde.