ორი მასშტაბური კვლევის მიხედვით, აზიასა და ჩრდოლეთ ამერიკაში ჩიტების რაოდენობა კრიზისულ ნიშნულამდე შემცირდა.

პირველი კვლევის თანახმად, აშშ-სა და კანადაში 1970 წელთან შედარებით ფრინველების რაოდენობა 29%-ით არის შემცირებული.

მეორე კვლევის მიხედვით კი, აზიის ფრინველების მეტი ოდენობა შესაძლოა ცხოვრობდეს გალიაში, ვიდრე ველურ ბუნებაში.

კვლევები ჟურნალებში, Science და Biological Conservation-ში გამოქვეყნდა.

მეცნიერები იმედოვნებენ, რომ ამ მიგნებებს გამოფხიზლების ეფექტი ექნება. ისინი ამბობენ, რომ პოპულაციის შემცირებაში დიდი წვლილი ადამიანების ქცევებს მიუძღვით.

კვლევის ხელმძღვანელი კინ როზენბერგის თქმით, თავდაპირველად მეცნიერები ფიქრობდნენ, რომ რაოდენობის შემცირება იშვიათი სახეობების გაქრობას უკავშირდებოდა თუმცა შემდეგ აღმოჩნდა, რომ რიცხვები ბევრად მასშტაბური იყო და ზოგადი ჩიტების პოპულაციის გაქრობას გამოხატავდა.

მისი თქმით, მსგავსი სიტუაციაა მოსალოდნელი არამხოლოდ ჩრდილოეთ ამერიკაში, არამედ დედამიწის სხვა ნაწილებშიც. სწორედ მსგავს არასახარბიელო სიტუაციას გვიჩვენებს აზიაში ჩატარებული მეორე კვლევაც.

ინდოეთში ძალიან პოპულარულია მგალობელი ჩიტების კონკურსი, რის გამოც დიდი რაოდენობის ჩიტებს ატყვევებენ და ყიდიან. კონკურსში გამარჯვებული ფრინველის პატრონმა, შესაძლოა, 40 ათასი გირვანქა სტერლინგი მიიღოს.

2017 წელს მეცნიერებმა გამოარკვიეს, რომ ფრინველების დატყვევებისა და გაყიდვის დროს უამრავი მათგანი იღუპებოდა და სახეობები გადაშენების საფრთხის წინაშე დგებოდნენ.

კვლევის ავტორი ჰარი მარშალი ამბობს, რომ ბიზნესი ინდოეთის ეკონომიკისთვის მომგებიანია და წლიურად ათობით მილიონ დოლარს უტოლდება, ამიტომაც გასაკვირი არაა, რომ მაღაზიები 200-ზე მეტი სახეობის ჩიტითაა სავსე. მისი თქმით, ინდოეთის კუნძულ ჯავაზე 75 მილიონი ჩიტი გალიაშია გამომწყვდეული. კვლევის მიხედვით, შესაძლოა, მგალობელი ჩიტების ნახევარზე მეტი დატყვევებული იყოს და გალიაში ცხოვრობდეს, ბუნების ნაცვლად.

მანჩესტერის მეტროპოლიტენის უნივერსიტეტის პროფესორი სტიუარტ მარსდენის თქმით, ინდოეთში ჩიტების გალიაში ჩასმა მათ სიყვარულს უკავშირდება, რაც, მისი თქმით, შესაძლოა კონსერვაციაში წარმატებით გადაიზარდოს.