ბოლო წლებში დედაქალაქში მშენებლობების რიცხვი საგრძნობლად გაიზარდა, რის გამოც უძრავი ქონების ბაზარზე არჩევანი, ერთი მხრივ, უფრო მრავალფეროვანი გახდა, მეორე მხრივ კი, სასურველი საცხოვრებელი ფართის პოვნა გარკვეულწილად გაართულა. ამ მრავალფეროვნებაში სწორი გადაწყვეტილების მისაღებად, დეველოპერული კომპანია Maqro Development მკითხველს იმ რამდენიმე რჩევას უზიარებს, რომელთა გათვალისწინება ახალი ბინის შერჩევისას აუცილებელია.

მდებარეობა და კავშირი ქალაქის დანარჩენ უბნებთან

უპირველეს ყოვლისა, ყურადღება უძრავი ქონების მდებარეობას ექცევა. ამ მხრივ მნიშვნელოვანია, რამდენად მოსახერხებელი იქნება სახლიდან სამსახურამდე ან ქალაქის სხვადასხვა უბნამდე მისვლა. რეკომენდებულია, რომ პროექტი მეტროსთან და მთავარ სატრანსპორტო კვანძებთან ახლოს მდებარეობდეს. მაგალითად, მაქრო სითი თბილისი სამგორის მეტროსადგურიდან 5 წუთის ფეხით სავალ მანძილზე შენდება, საცხოვრებელი კომპლექსიდან ავტომობილით აეროპორტამდე 10 წუთი, ხოლო ქალაქის ცენტრამდე 15 წუთია საჭირო, სავაჭრო ცენტრ ისთ ფოინთამდე მანქანით მისასვლელი დრო კი სულ რაღაც 5 წუთია.

საცხოვრებელი სივრცის ოპტიმალური გეგმარება

ლოკაციის შეფასების შემდეგ, არანაკლებ მნიშვნელოვანია თავად ბინის გეგმარება. საცხოვრებელი ფართის კომფორტულობა და ფუნქციურობა დამოკიდებულია იმაზე, თუ რამდენად ოპტიმალურადაა განაწილებული სივრცე. მყიდველისთვის ხშირად გადამწყვეტია, რომ ბინაში არ არსებობდეს ე.წ. გაუქმებული ზონები და ყოველი კვადრატული მეტრი მაქსიმალურად იყოს ათვისებული.

მშენებლობის ხარისხი და უსაფრთხოების სტანდარტი

მაღალი რეპუტაცია მშენებლობის ხარისხსა და უსაფრთხოებაზეც უნდა ისახებოდეს. იმის გამო, რომ საქართველო სეისმურად აქტიურ ზონაში მდებარეობს, შენობის კონსტრუქციულ მდგრადობასა და გამოყენებული მასალების ხარისხს ძალიან დიდი მნიშვნელობა აქვს. მაქრო სითი თბილისის პროექტში ყველა შენობა, საცხოვრებელი თუ კომერციული ფართი, 8 ბალიან მიწისძვრაზეა გათვლილი და გამძლე B35 მარკის ბეტონით შენდება.

პროექტის მულტიფუნქციური ინფრასტრუქტურა

ყველაფერთან ერთად აუცილებელია, შეფასდეს თავად პროექტის ინფრასტრუქტურა. მაღალ სტანდარტებზე მორგებული თანამედროვე კომპლექსი, საცხოვრებელ ფართებთან ერთად, უნდა ითვალისწინებდეს რეკრეაციულ ზონებს, სპორტულ მოედნებსა და საბავშვო სივრცეებს. ამ ყველაფრის მიზანი მობინადრეთათვის ცხოვრების ხარისხის გაუმჯობესება და მათთვის კომფორტული გარემოს შექმნაა.

ინფრასტრუქტურული თვალსაზრისით მაქრო სითი თბილისი გამორჩეული პროექტია, რადგან საერთო მოსასვენებელი სივრცეების, საცურაო აუზების, ტენისის კორტებისა და სარბენი ბილიკების გარდა, კომპლექსის ტერიტორიაზე აშენდება საბავშვო ბაღიც.

გადახდის ხელსაყრელი პირობები

სასურველი ბინის შერჩევისას, გადახდის ხელსაყრელი პირობების არსებობა ბევრი ადამიანისთვის გადამწყვეტი ფაქტორია. როგორც წესი, უძრავი ქონების ყიდვა შიდა უპროცენტო განვადებით, საბანკო იპოთეკით ან ერთიანი გადახდითაა შესაძლებელი. ამათგან ყველაზე გავრცელებული ფორმა დეველოპერული კომპანიის მიერ შემოთავაზებული განვადებაა. მაქრო სითი თბილისის მაგალითზე, ეს სერვისი 29 თვემდე ვრცელდება, მინიმალური პირველადი შენატანი კი ბინის ღირებულების 20%-ია. ერთიანი გადახდისას კომპანია მყიდველს 15%-იან ფასდაკლებას სთავაზობს.

შავი პარასკევის შეთავაზების ფარგლებში, მომხმარებელს შეუძლია აირჩიოს ორიდან ერთ-ერთი ხელსაყრელი პირობა — 18%-იანი ფასდაკლება ერთიანი გადახდისას ან შემცირებული 10%-იანი პირველადი შენატანი განვადებით სარგებლობისას.

მაქრო სითი თბილისი სრულად აკმაყოფილებს ზემოთ განხილულ ყველა კრიტერიუმს. კომპანია მზად არის, დაინტერესებულ პირებს მაქსიმალურად გამჭვირვალედ მიაწოდოს ინფორმაცია პროექტის დეტალების შესახებ და შერჩევის ყველა ეტაპზე დაეხმაროს მას.