იუსტიციის ყოფილმა მინისტრმა, ზურაბ ადეიშვილმა განაცხადა, რომ უკრაინაში ჩასვლას აპირებს. მისივე თქმით, ის უკრაინის მოქალაქე არაა, რის გამოც აქტიურ პოლიტიკურ საქმიანობას ვერ დაიწყებს.

"მე შემიძლია, ერთადერთი რაც გავაკეთო, თუ იქნება რეფორმების ახალი ტალღა, გარკვეულად დავეხმარო იმ იდეებით, რაც გვაქვს", — ამის შესახებ ადეიშვილმა რუსთავი 2-ის ყოფილ გენერალურ დირექტორთან, ნიკა გვარამიასთან ისაუბრა.

უკრაინაში უკვე რამდენიმე თვეა, რაც დაბრუნდა ოდესის ყოფილი გუბერნატორი და საქართველოს ექს-პრეზიდენტი, მიხეილ სააკაშვილი. მას უკრაინის მოქალაქეობა პრეზიდენტმა, ვოლოდიმირ ზელენსკიმ არჩევიდან რამდენიმე დღეში დაუბრუნა.

მიხეილ სააკაშვილმა და მისმა პარტიამ უმაღლესი რადას ვადამდელ საპარლამენტო არჩევნებშიც მიიღო მონაწილეობა, თუმცა ერთი პროცენტიც ვერ მოაგროვა. შესაბამისად, სააკაშვილის პარტიამ ხუთპროცენტიანი ბარიერი ვერ გადალახა და პარლამენტშიც ვერ შევიდა.