სამცხე-ჯავახეთის საოლქო პროკურატურამ ფსიქოტროპული ნივთიერების შესაძენად ყალბი რეცეპტის დამზადება-გასაღების ბრალდებით ექიმი დააკავა. საგამოძიებო უწყების ცნობით, დაკავებული ექიმად ბორჯომში მუშაობდა და ფსიქოტროპული ნივთიერების შესაძენად ამზადებდა და ასაღებდა ყალბ რეცეპტებს.

საქმეზე გამოძიება მიმდინარეობს საქართველოს სისხლის სამართლის კოდექსის 268-ე მუხლის მე-2 ნაწილის ბ და ამავე მუხლის მე-3 ნაწილის ა ქვეპუნქტებით, რაც სამსახურეობრივი მდგომარეობის გამოყენებით, დიდი ოდენობით ფსიქოტროპული ნივთიერების შესაძენად ყალბი რეცეპტის დამზადებას გასაღების მიზნით და გასაღებას გულისხმობს. დანაშაულისთვის სასჯელის სახედ და ზომად ექვსიდან თერთმეტ წლამდე ვადით თავისუფლების აღკვეთაა გათვალისწინებული.