ანექსირებულ ყირიმში, ნიკიტინსკის ბოტანიკურ ბაღში ღვთაება ფლორას ქანდაკებას იღებენ და საბჭოთა ლიდერის, ვლადიმერ ლენინის ძეგლს აბრუნებენ. გადაწყვეტილება კრემლის კონტროლის ქვეშ მყოფმა სასამართლომ მიიღო.

ღვთაება ფლორა 2012 წელს დაიდგა, რათა ბოტანიკური ბაღის 200 წლისთავი აღენიშნათ. ბოტანიკური ბაღის დირექტორის მოადგილის, ანდრეი პაშტეტსკის თქმით, სკულპტურისთვის ადგილის შეცვლა ძვირი დაუჯდებათ.

ფოტო: krymr.org (RFE/RL)

"ითქვა, რომ ლენინი უკან დავაბრუნეთ და ძეგლს პირვანდელი სახე დავუბრუნეთ. ჩვენ არ შეგვიძლია სასამართლოს გადაწყვეტილების შესრულებაზე უარი ვთქვათ. ჩვენ გარკვეული ხარჯის გადახდა მოგვიწევს. ფლორას მონუმენტი ბრინჯაოსია, ლენინის ბიუსტი კი მარმარილოსი. ისინი მძიმეები არიან და არ გვაქვს შესაბამისი არჭურვილობა ძეგლის შესაცვლელად. ჯერ ვერ დავადგინე, რა დაგვიჯდება "ისტორიული სამართლიანობის" აღდგენა. თუმცა ფლორას ბაღის საუკეთესო ადგილას განვათავსებთ", — განაცხადა ანდრეი პაშტეტსკიმ.

ფოტო: krymr.org (RFE/RL)

თავის დროზე ლენინის ბიუსტი ჩამოიღეს, თუმცა რეესტრიდან ამოღება დაავიწყათ. ამ დოკუმენტების მიხედვით "კულტურული მემკვიდრეობის ძეგლია". საჩივარი ბაღის ერთ-ერთმა ვიზიტორმა დაწერა, როცა ადგილზე ლენინის ძეგლი ვეღარ დაინახა. საჩივარი ყირიმის რუსმა პროკურორებმა განიხილეს. კრემლის კონტროლის ქვეშ მყოფმა სასამართლომ დაადგინა, რომ ბიუსტი უკან უნდა დაბრუნებულიყო. ბოტანიკური ბაღის ხელმძღვანელობა გადაწყვეტილების გასაჩივრებას აპირებს.