ჯანდაცვის მინისტრის ინფორმაციით, გივი თარგამაძის მანქანის აფეთქებისას დაშავებულთა რიცხი 4-ს არ აჭარბებს. მისივე თქმით, დაშავებულების სიცოცხლეს საფრთხე არ ემუქრება:

"ამ წუთის მონაცემებით, 4 დაზარალებულია, 2 მათგანი ინგოროყვას კლინიკაშია, მათგან ერთ-ერთს ქირურგიული ჩარევა სჭირდება, მეორე კი მსუბუქადაა. კიდევ 2 კი, სხვა კლინიკაში იმყოფება. სიცოცხლესთან შეუთავსებელი დაზიანებები არ არის.

მიუღებელია ფაქტი მითუმეტეს, რომ დაზარალებულები არიან ირგვლივმყოფი ადამიანები, შემთხვევითი გამვლელები. დასაგმობი ფაქტია და დარწმუნებული ვარ, რომ უმოკლეს დროში გამოიძიებენ ამ საქმეს".

კოლმეურნეობის მოედნის მიმდებარე ტერიტორიაზე ნაციონალური მოძრაობის წევრის, გივი თარგამაძის მანქანა აფეთქდა. დაზიანებულია მიმდებარე შენობები, ასევე ახლომდებარე ავტომობილები.

შსს-მ გამოძიება დამამძიმებელ გარემოებაში, განზრახ მკვლელობის მცდელობის მუხლით დაიწყო.