თუკი გასულ წელს Hulu-ს გახმაურებული სერიალის — მხევლის წიგნის დასრულების შემდეგ სიცარიელის შეგრძნება დაგრჩათ, თქვენთვის ძალიან კარგი ამბავი გვაქვს. სულ მალე ეკრანებზე გილეადის მჩაგვრელ რეჟიმს ისევ ვიხილავთ.

როგორც ცნობილია, სერიალის გადაღებები ჯერ კიდევ 2019 წლიდან იგეგმებოდა. მისი სიუჟეტი კი მარგარეტ ეტვუდის 2019 წლის ბესტსელერს — The Testaments-ს ეფუძნება. აღსანიშნავია ისიც, რომ სერიალში მოქმედება მხევლის წიგნში მომხდარი მოვლენებიდან 15 წლის შემდეგ ვითარდება.

სერიალის პირველი ტრეილერიდან ვეცნობით მთავარ პერსონაჟებს — აგნესსა და გილეადში ახლახან ჩამოსულ დეიზის. როცა ისინი დეიდა ლიდიას მომავალი ცოლებისთვის განკუთვნილ მოსამზადებელი სკოლის დარბაზში მიჰყვებიან, აანალიზებენ, რომ მათ შორის მნიშვნელოვანი კავშირია.

კადრი სერიალის პირველი სეზონის ტრეილერიდან

კადრი სერიალის პირველი სეზონის ტრეილერიდან

ფოტო: Hulu

რაც შეეხება მსახიობებს, სერიალში ჩეის ინფინიტის, ლუსი ჰალიდეის, როუენ ბლანშარდს, იზოლდა არდიესსა და სხვებს ვიხილავთ.

შეგახსენებთ, რომ Hulu-ს გახმაურებული სერიალი, მხევლის წიგნი, მარგარეტ ეტვუდის ამავე სახელწოდების წიგნის მიხედვით შექმნილი შოუა, რომელიც გასულ წელს მეექვსე სეზონით დასრულდა. სერიალმა მაყურებლების დიდი სიყვარული დაიმსახურა და ემის არაერთი ნომინაცია მოიპოვა.

The Testaments-ის პრემიერა 8 აპრილს შედგება.

ამავე თემაზე: