ხალხის გულთამპყრობელი პანჩის მიმართ საზოგადოების სიყვარული დღითიდღე იზრდება. ვიდეო, რომელშიც მაკაკა სათამაშო ორანგუტანგს ეხუტება, სოციალურ ქსელებში ვირუსულად გავრცელდა.

ფოტო: AP

როგორც ცნობილია, პატარა პანჩი დედამ დაბადებისთანავე მიატოვა, ზოოპარკში კი მაკაკას მიმართ დიდი სიყვარულით არც სხვა მაიმუნები გამოირჩეოდნენ. თუმცა, ბოლო პერიოდში, პანჩის ნაკლებად უჭირავს თავისი სათამაშო ორანგუტანგი, რადგან ის ზოოპარკში მცხოვრებ მაიმუნებს დაუმეგობრდა და გართობის ახალი გზა იპოვა, კერძოდ — მაიმუნების ზურგზე მხართეძოზე წამოწოლა.

"კარგია იმის დანახვა, თუ როგორ გაიზარდა პანჩი და ახლა დამშვიდებული ვარ", — ამბობს პანჩის 61 წლის გულშემატკივარი, სანაი იზუმი.

@punchi.babypunch #punchkun #punchi #punch #babypunch ♬ เสียงต้นฉบับ - Punchkun🐵

ზოგადად, მაიმუნები დაბადების შემდეგ გარკვეული პერიოდი დედაზე არიან მიჯაჭვულები და სწორედ ამიტომ, ზოოპარკმა გადაწყვიტა, პანჩისთვის სევდის შესამსუბუქებლად სათამაშო მაიმუნი მიეცა. მოგვიანებით, მაკაკა დღის უმეტეს ნაწილს თავის სათამაშოსთან ატარებდა და, როცა სხვა მაიმუნები პანჩის არცთუ ისე კარგად ეპყრობოდნენ, მაკაკა ორანგუტანგს ჩაიკრავდა გულში ხოლმე.

აღსანიშნავია, რომ პანჩის პოპულარობის შემდეგ, იაპონიაში მდებარე იჩიკავას ზოოპარკმა ახალი წესებიც კი შეიმუშავა. კერძოდ, მაიმუნებთან ახლოს ყოფნისას ნაკლებად იხმაურონ და მხოლოდ 10 წუთი გაატარონ მათთან.

ფოტო: babyanmlpics/IG

ფოტო: Getty Images

"როცა პანჩი თავის სათამაშო ორანგუტანგს გადაეჩვევა, მეტად თავდაჯერებული და დამოუკიდებელი გახდება, სწორედ ამას ვიმედოვნებთ", — ამბობენ იჩიკავას ზოოპარკში.