აზერბაიჯანის პრეზიდენტმა, ილჰამ ალიევმა უშიშროების საბჭოს სხდომაზე ნახიჩევანის აეროპორტის ტერიტორიაზე უპილოტო დრონების ჩამოგდების ფაქტზე საუბრისას განაცხადა, რომ "ტერორისტული აქტის ჩამდენებს სისხლის სამართლის პასუხისმგებლობა უნდა დაეკისროთ".

"დღეს ირანმა ტერორისტული აქტი ჩაიდინა აზერბაიჯანის ტერიტორიის, აზერბაიჯანის სახელმწიფოს წინააღმდეგ. ირანის სახელმწიფომ უპილოტო საფრენი აპარატები ნახიჩევანის ავტონომიური რესპუბლიკის ტერიტორიისკენ გაისროლა. თავდასხმის სამიზნე სამოქალაქო ობიექტები იყო. აზერბაიჯანის სახელმწიფო მკაცრად გმობს ამ მახინჯ ტერორისტულ აქტს და მისმა ჩამდენებმა დაუყოვნებლივ უნდა აგონ პასუხი. ირანელმა ოფიციალურმა პირებმა აზერბაიჯანულ მხარეს უნდა მისცენ ახსნა-განმარტება, უნდა მოიხადონ ბოდიში და ამ ტერორისტული აქტის ჩამდენებს სისხლის სამართლის პასუხისმგებლობა უნდა დაეკისროთ," — განაცხადა აზერბაიჯანის პრეზიდენტმა ილჰამ ალიევმა უშიშროების საბჭოს სხდომაზე.

შეგახსენებთ, აზერბაიჯანში, ნახიჩევანის აეროპორტის ტერიტორიაზე ირანის უპილოტო საფრენი აპარატები ჩამოვარდა და აფეთქდა. აზერბაიჯანული პროსამთავრობო სააგენტო APA News Agency-ს ცნობით, თავდასხმის შედეგად 4 ადამიანი დაშავდა. ერთი დრონი ნახიჩევანის აეროპორტის ტერიტორიაზე ჩამოვარდა, მეორე — სკოლის შენობასთან ახლოს.

აზერბაიჯანში, ნახიჩევანის აერეპორტის ტერიტორიაზე ირანის უპილოტო დრონები ჩამოვარდა და აფეთქდა — შემთხვევის შედეგად 2 ადამიანი დაშავდაილჰამ ალიევი

ირანის საგარეო საქმეთა მინისტრის მოადგილემ, კიზიმ გარიბაბადიმ AnewZ-ის ეთერში საუბრისას განაცხადა, რომ "ირანი არ ესხმის თავს მეზობელ ქვეყნებს, გარდა იმ შემთხვევისა, თუ ამ ქვეყნის ტერიტორიაზე არიან აქტიურები ჩვენი მოწინააღმდეგეები'.

ჟურნალისტის კითხვაზე დაესხა, თუ არა თავს ირანი აზერბაიჯანს უპილოტო დრონებით, გარიბაბადიმ განაცხადა, რომ "პირველად ესმის ეს ინფორმაცია".