წელს SOLO 8 მარტს არა მხოლოდ საქართველოში, არამედ საფრანგეთის დედაქალაქ პარიზშიც აღნიშნავს. საგაზაფხულო კამპანია ცნობილ ქართველ ფლორისტთან, ბექა ცერცვაძესთან თანამშრომლობით მიმდინარეობს.

ინიციატივის ფარგლებში, ბექა ცერცვაძის პარიზულ მაღაზია — BEKA Paris-ში წარმოდგენილი იქნება განსაკუთრებულად შეფუთულიმ ყვავილები, რაც მიზნად ისახავს, როგორც ქალთა დღის აღნიშვნას, ისე ქართული კულტურისა და ემოციის გაზიარებას.

აღსანიშნავია, რომ SOLO-ს საგაზაფხულო კამპანია მხოლოდ პარიზში არ სრულდება. 6-7 მარტს ადგილობრივ მომხმარებლებს შეეძებათ BEKA Paris-ის ექსკლუზიურად ბრენდირებული ყვავილები SOLO ლაუნჯებში იხილონ და მიიღონ სამახსოვრო ბუკეტები.

ბექა და BEKA Paris: ყვავილები, როგორც ემოცია

გაზაფხული ის დროა, როდესაც ბუნება იღვიძებს და გარემო ახალი ენერგიით ივსება. სწორედ ამ პერიოდში ჩნდებიან ყვავილები, რომლებიც სეზონის ცვლილებას მოასწავებენ.

შესაბამისად, გასაკვირიც არ არის, რომ ბექა ცერცვაძის საყვარელი სეზონი გაზაფხულია. ის ყვავილებით ბავშვობიდან დაინტერესდა და ნელ-ნელა აქცია ისინი მედიუმად, რომლითაც ადამიანებს ემოციებსა და ისტორიას უზიარებს.

“ყვავილებით ძალიან პატარა ასაკიდან დავინტერესდი. ყოველთვის მხიბლავდა მათი სილამაზე და ის ემოცია, რომელსაც ადამიანებში იწვევს. დროთა განმავლობაში მივხვდი, რომ ყვავილები ჩემთვის უბრალოდ დეკორაცია კი არა, ემოციებისა და ისტორიის გადმოცემის საშუალება გახდა და ბევრი შესაძლებლობა დავინახე პროფესიული კუთხით”. — გვიყვება ბექა.

სწორედ ამ იდეით შექმნა მან საკუთარი ბრენდი პარიზში — Beka PARIS, რომელიც მომხმარებელს ყვავილების გამორჩეულ კომპოზიციებსა და ემოციებს სთავაზობს.

“BEKA PARIS არის ჩემი მაღაზია პარიზში, სადაც ვცდილობთ, შევქმნათ განსაკუთრებული და ისეთი კომპოზიციები რომლებიც ემოციას გადმოცემს. ჩვენი სტილი აერთიანებს პარიზულ დახვეწილობასა და თანამედროვე ესთეტიკას. ვმუშაობთ, როგორც კერძო კლიენტებთან, ისე მოდის სახლებთან, ბრენდებთან და სხვადასხვა ღონისძიებისთვის ვქმნით დეკორაციებს, მათ შორის, მოდის კვირეულებისთვის, პრეზენტაციებისა და ბრენდების სპეციალური პროექტებისთვის. ანუ ყველა ისეთი მომენტისთვის, როცა ყვავილები ძალიან მნიშვნელოვანია.“ — გვიზიარებს ბექა.

გამორჩეული მომენტების შესაქმნელად, SOLO-სთან კოლაბორაციით მომზადდა 8 მარტის საგაზაფხულო კამპანიაც და ქალთა დღის აღნიშვნა პარიზშიც შესაძლებელი გახდა.

“8 მარტი საფრანგეთში, ქალთა უფლებების დღეა და მას აქ არ აღნიშნავენ ისე, როგორც საქართველოში. შესაბამისად, SOLO-სთან კოლაბორაცია ჩემთვის ძალიან სიმბოლურია, რადგან ის აერთიანებს ქართულ კულტურასა და პარიზულ გარემოს. ჩემთვის მნიშვნელოვანია, რომ ამ კამპანიით ქართული ტექსტი და ქართული ემოცია პარიზის გულში გამოჩნდება, რაც ხელს შეუწყობს პარიზელებში საქართველოს შესახებ ცნობიერების გაზრდას. მეც, ჩემი მხრივ, ხშირად ვცდილობ საქართველო გავაცნო პარიზელებს და ეს კამპანია ამ მიმართულებით კიდევ ერთი მნიშვნელოვანი ნაბიჯია”. — ამბობს ბექა.