200 უკრაინელი სამხედრო რუსეთის ტყვეობიდან სახლში დაბრუნდა. ამის შესახებ უკრაინის პრეზიდენტმა, ვოლოდიირ ზელენსკიმ სოციალურ ქსელში დაწერა. მისი თქმით, დაბრუნებულთა შორის არიან მარიუპოლის, დონეცკის, ლუგანსკის, ხარკოვისა და ზაპოროჟიეს ოლქების დამცველები.

"დღეს 200-მა უკრაინულმა ოჯახმა მიიღო ყველაზე ნანატრი შეტყობინება: მათი საყვარელი ადამიანები შინ ბრუნდებიან. ჩვენი ხალხის მშობლიურ მიწაზე დაბრუნება ყოველთვის კარგი ამბავია თითოეული ჩვენგანისთვის, მთელი ქვეყნისთვის. დაბრუნებულთა შორის არიან მარიუპოლის, დონეცკის, ლუგანსკის, ხარკოვისა და ზაპოროჟიეს ოლქების დამცველები. შეიარაღებული ძალების, სახელმწიფო სპეციალური სატრანსპორტო სამსახურის მეომრები, მესაზღვრეები და ეროვნული გვარდიის წევრები.

ჩვენი ხალხის შინ დაბრუნება ყოველ ჯერზე ამტკიცებს, რომ უკრაინა მუშაობს თითოეული მათგანის გამოსახსნელად. ჩვენ არავის ვტოვებთ. ამ პროცესში ვრთავთ მედიატორებს. მადლობელი ვარ ყველასი, ვინც უკრაინას ეხმარება. მადლობა ამერიკის შეერთებულ შტატებს ამ გაცვლის განხორციელებაში გაწეული მხარდაჭერისთვის. მადლიერებას გამოვხატავ ფრონტის ხაზზე მყოფი ჩვენი მეომრების მიმართ, რომლებიც უზრუნველყოფენ უკრაინისთვის გაცვლის ფონდის შევსებას. ჩვენი ხალხის სახლში დაბრუნება უკრაინის დამცველთა სიმტკიცის შედეგია", — დაწერა ვოლოდიმირ ზელენსკიმ სოციალურ ქსელში.