სოხუმის დაცემის დღესთან დაკავშირებით, მთავრობის წარმომადგენლები გმირთა მოედანზე შეიკრიბნენ, სადაც გიორგი კვირიკაშვილმა აფხაზეთის ომში დაღუპულთა მემორიალზე ყვავილები მიიტანა.

პრემიერმა აღნიშნა, რომ მხოლოდ მშვიდობიანი ნაბიჯებით უნდა ვიაროთ წინ იმ მიზნისკენ, რასაც ქვეყნის გამთლიანება ჰქვია:

"ამ ომის შედეგად, ათიათასობით ადამიანი დაიღუპა, ასიათასობით იძულებით გადაადგილებული პირია ქვეყნის შიგნით და გვაქვს ოკუპირებული ტერიტორიები. მთავარი, რასაც ყველა ჩვენგანი ვაცნობიერებთ, ეს იყო ომი ქართველების და აფხაზების წინააღმდეგ და ამ ომს თავშივე არ ჰყავდა მოგებული. სწორედ აფხაზეთის ომში დაღუპულთა გმირობა უნათებდა ქართველ ჯარისკაცებს შემდგომში კიდევ არაერთი შეიარაღებული კონფლიქტის დროს გზას და სწორედ მათი გმირობა იყო მაგალითის მიმცემი ყველასთვის".