სოციალურ ქსელში გავრცელებულ ვიდეოზე, რომელშიც ჩანს, რომ ბიჭი მაღალსართულიანი კორპუსიდან კუს აგდებს, შინაგან საქმეთა სამინისტრომ გამოძიება დაიწყო.

უწყებაში On.ge-ს უთხრეს, რომ ვიდეოში ასახული პირები იდენტიფიცირებულები არიან და მიმდინარეობს შესაბამისი საგამოძიებო მოქმედებები. საქმეზე გამოძიება სისხლის სამართლის კოდექსის 259-ე მუხლით მიმდინარეობს, რაც ცხოველის მიმართ სასტიკ მოპყრობას გულისხმობს.