მალხაზ მაჩალიკაშვილი სახელმწიფო უსაფრთხოების სამსახურის ბრალდებას უარყოფს. მაჩალიკაშვილი ამბობს, რომ სახელმწიფო მის გასანადგურებლად ყველა მეთოდს იყენებს.

"მე წელიწადია აქ ვდგავარ და სამართლიანად ვითხოვ, დაისაჯონ ჩემი შვილის მკვლელები, რომელი დანაშაულიც აქვს სახელმწიფოს ჩადენილი. ესენი ყველაფერს აკეთებენ, ნებისმიერ მეთოდს იყენებენ, რომ გამანადგურონ, ეს არ მოხდება", — თქვა მაჩალიკაშვილმა, რომელმაც პარლამენტის მიმდებარე ტერიტორია დატოვა.

სახელმწიფო უსაფრთხოების სამსახურის განცხადებით, პანკისის სპეცოპერაციის დროს მოკლული თემირლან მაჩალიკაშვილის მამას, მალხაზ მაჩალიკაშვილს ტერორისტული აქტის ორგანიზების გზით რამდენიმე პირის მკვლელობის განზრახვა ჰქონდა. სუს-ის მტკიცებით, მათ ეს ჩანაფიქრი აღკვეთეს. ამის შესახებ სუს-ში დღეს, 7 მაისს ბრიფინგი გაიმართა.