ყაზტრანსგაზის ინფორმაციით, დიღმის მასივის მეოთხე კვარტალში აფეთქება, სავარაუდოდ, ექსპლუატაციის წესების უხეში დარღვევის გამო მოხდა. მათივე ცნობით, შემთხვევას მსხვერპლი არ მოჰყოლია.

"ამ დროისთვის მიმდინარეობს შემთხვევის ადგილის დათვალიერება და შესაბამისი საგამოძიებო მოქმედებები. ბინა, სადაც აალება მოხდა, მეზობლების ინფორმაციით, ქირავდებოდა და ამ დროისთვის დაკეტილი იყო. დამქირავებლებმა საცხოვრებელი ფართი წინასწარი ინფორმაციით, გუშინ დატოვეს", — აღნიშნავენ კომპანიაში.

დიღმის მასივში, მეოთხე კვარტალში, სავარაუდოდ, ბუნებრივი აირის გაჟონვის შედეგად აფეთქება ცოტა ხნის წინ მოხდა. შემთხვევის შედეგად ორი ადამიანი დაშავდა.