გურჯაანში გარემოს დაცვის სააგენტოს კახეთის რეგიონალური სამმართველოს თანამშრომელი, სავარაუდოდ, ბრაკონიერმა დაჭრა. შინაგან საქმეთა სამინისტროში On.ge-ს უთხრეს, რომ მის სიცოცხლეს საფრთხე არ ემუქრება.

საქმეზე გამოძიება სისხლის სამართლის კოდექსის 353-ე¹ მუხლის მეორე ნაწილით მიმდინარეობს, რაც სამსახურეობრივი მოვალეობის შესრულების დროს პოლიციელზე თავდასხმას გულისხმობს. ამ მუხლით გათვალისწინებულია პატიმრობა ოთხიდან შვიდ წლამდე.