გლდანში, საქართველოს ბანკი დააყაჩაღეს. შინაგან საქმეთა სამინისტროს ინფორმაციით, თავდამსხმელებმა ბანკიდან გასვლისას, პოლიციისგან თავის ასარიდებლად ერთი პირი მძევლად აიყვანეს. თუმცა, მათივე თქმით, მძევალი უკვე გათავისუფლებულია. უწყებაში ამბობენ, რომ შემთხვევის შედეგად არავინ დაშავებულა.

მომხდარზე გამოძიება საქართველოს სისხლის სამართლის კოდექსის 179-ე (ყაჩაღობა), 236-ე (ცეცხლსასროლი იარაღის მართლსაწინააღმდეგო შეძენა-შენახვა) და 143-ე (თავისუფლების უკანონო აღკვეთა) მუხლებით დაიწყო. უწყებაში ამბობენ, რომ ამ ეტაპზე მიმდინარეობს საგამოძიებო მოქმედებები.