დამოუკიდებელმა დეპუტატმა, ეკა ბესელიამ თანამოაზრეებთან ერთად საკანონმდებლო ინიციატივა შეიმუშავა, რომლის მიზანი იუსტიციის საბჭოს უფლებამოსილებების ფორმალურამდე დაყვანაა. კერძოდ, მოსამართლეების მსურველთა სია პარლამენტმა უნდა განიხილოს და საბჭომ მხოლოდ გამტარის ფუნქცია შეასრულოს. ინციიატივა დეპუტატმა დღეს არამსათავრობო ორგანიზაციებს წარუდგინა.

"ჩვენი ინიციატივის მთავარი არსია, რომ იუსტიციის საბჭო, რომელსაც არ აქვს დღეს ნდობა არ შექმნას ხელოვნური ბარიერები და არ წარმოადგინოს მხოლოდ იმ კანდიდატების სია რამდენი ვაკანსიაც არსებობს და მხოლოდ ის ადამიანები, რომელიც მას სურს", — განაცხადა ბესელიამ.

მისი განმარტებით, პარლამენტს უნდა გადაეგზავნოს მოსამარლთეობის მსრუველი ყველა იმ პირის სია, ვინც კანონის მინიმალურ მოთხოვნებს აკმაყოფილებს. მისივე თქმით, კომიტეტში შექმნილმა სამუშაო ჯგუფმა უნდა შეისწავლოს ამ პირების დეტალური ბიოგრაფია.

ინიციატივას არაკონსტიტუციურს უწოდებს იუსტიციის უმაღლესი საბჭოს მდივანი გიორგი მიქაუტაძე. მისი თქმით, იმ ადამიანებმა, ვინც ახალ პროტესტს გამოთქვამენ თავის დროზე მხარი დაუჭირეს კონსტიტუციის იმ ფორმას, რომელშიც იუსტიციის საბჭოს უფლებამოსილება გაიწერა. მისივე თქმით, ახლა პირადი მიზნებისთვის ცვილებების შეტანა სამწუხაროა.

არაკონსტიტუციურობაზე საუბრობენ მმართველ პარტიაშიც. ტელეკომპანია იმედთან ინტერვიუში საპროცედურო საკითხთა კომიტეტის თავმჯდომარე გიორგი კახიანი ამბობს, რომ იუსტიციის საბჭო კონსტიტუციის მიხედვით ვერ იქნება ფორმალური გამტარი, რადგან მისი პრეროგატივაა კანდიდატების პარლამენტისთვის წარდგენა. მისი თქმით, ინიციატივაში ეს საკითხი გათვალსიწინებული უნდა იყოს.

დამოუკიდებელი დეპუტატი გედევან ფოფხაძე კი აცხადებს, რომ საბჭომ თვითონ ჩაიყენა თავი ამ მდგომარეობაში და ის არანაირი როლის ღირსი აღარ არის, სწორედ ამიტომ მისი უფლებები მინიმუმამმდე უნდა შეიზღუდოს.