შინაგან საქმეთა სამინისტროს განცხადებით, განსაკუთრებით მძიმე დანაშაულის შეუტყობინებლობის ბრალდებით, სამი პირი დააკავა. მათ შორის 1995 წელს დაბადებული პირი, ზესტაფონში, 1991 წელს დაბადებული - თეთრწყაროში, ხოლო 1996 წელს დაბადებული კი თბილისში დააკავეს.

შსს-ს მტკიცებით, გამოძიებამ დაადგინა, რომ მიმდინარე წლის 2 სექტემბერს თბილისში, ვაკეში მომხდარი მკვლელობის დროს აღნიშნული პირები, მკვლელობაში ბრალდებულთან ერთად, ერთ-ერთი დაკავებულის კუთვნილ ავტომანქანაში იმყოფებოდნენ, მომხდარ ფაქტს შეესწრნენ და აღნიშნულის შესახებ სამართალდამცველებს არ შეატყობინეს.

გამოძიება საქართველოს სსკ-ის 376-ე მუხლით, განსაკუთრებით მძიმე დანაშაულის შეუტყობინებლობის ფაქტზე მიმდინარეობს.