ალბათ, ყველას გექნებათ ნანახი 2006 წელს გამოსული ფილმი ეშმაკი ატარებს პრადას

თანაც არა ერთხელ

და დარწმუნებით შეგვიძლია ვთქვათ, რომ ყოველი ნახვის შემდეგ ახალ-ახალი კითხვებიც გიჩნდებათ

1. პირველ რიგში, გვაინტერესებს ვინ არიან ქალები, რომლებიც ფილმის პირველივე კადრებში ჩანან. სად ქრებიან ისინი შემდეგ? და საერთოდაც, არიან კი ისინი პოდიუმის თანამშრომლები?

2. როდესაც ენდი რედაქციაში მიდის, კითხულობს, ვინ არის მირანდა. რამდენად ნორმალურია, რომ ადამიანმა, რომელიც გასაუბრებაზე მიდის, არ იცის, ვინ იქნება მისი უფროსი?

3. მირანდა საშინელი უფროსია, მაგრამ ზოგიერთი მომენტი მართლა დაუჯერებელს ჰგავს: შეიძლებოდა მირანდას ისე დაევალებინა ენდისთვის კელვინ კლაინის 15 შარფის მოტანა, რომ არ მიეთითებინა, რომელი მოდელები უნდოდა?!

4. ნუთუ დონატელამ მირანდას უარი უთხრა პირად თვითმფრინავზე? თუ უბრალოდ ენდის დაავიწყდა დარეკვა?

5. რატომ იქცევიან ნეიტი და ენდის მეგობრები ასე ცუდად? აბა სხვა რა შეიძლება დავარქვათ იმას, როდესაც ენდიმ მათ ათასობით დოლარის საჩუქრები დაურიგა, სანაცვლოდ კი ისინი ტელეფონს ართმევენ და უფროსთან საუბარს არ აცლიან

6. ენდი! რატომ გადაწყვიტე ტყუპებისთვის დაგეჯერებინა და არა ემილისთვის?! არადა, რამდენჯერ გაგაფრთხილა, ზემოთ არ ასულიყავი!

7. მიუხედავად იმისა, რომ ფილმში ცდილობენ, ენდის ჩაცმულობა მაღალ მოდად "გაასაღონ". ხომ არ ფიქრობთ, რომ ეს მართლა უგემოვნო შეხამებაა?!

8. და მაინც, როგორ გადარჩა ემილი, როდესაც ასეთი სიჩქარით მოძრავი მანქანა დაეჯახა?

9. როდესაც ასეთი დატვირთული გრაფიკი გაქვს, თანაც პარიზში ხარ, როგორ უნდა დაგავიწყდეს მაღვიძარას დაყენება?

10. და ბოლოს, რატომ გაეღიმა მთელი ფილმის განმავლობაში პირველად, თანაც ბოლო კადრში მირანდას? რა გაახსენდა? ამის ცოდნა აუცილებელია!

სულ ეს იყო