18 დეკემბერს, რუსეთის პრეზიდენტმა, ვლადიმერ პუტინმა ხელი მოაწერა კანონპროექტს, რომელიც რუსეთის ეროვნულ ბანკს უფლებას აძლევს ბანკებსა და სხვადასხვა ფინანსურ ინსტიტუტებს სავალუტო ტაბლოების გარე განთავსება აუკრძალოს.

კანონპროექტი დუმაში 2018 წლის თებერვალში რუსეთის ცენტრალურმა ბანკმა შეიტანა და ძალაში მომავალი წლიდან შევა. რუსეთის მთავარი საბანკო რეგულატორის თქმით, აღნიშნული შეზღუდვა დაეხმარება სახელმწიფოს ებრძოლოს უკანონო ფინანსურ საქმიანობას. მათი პოზიციით, კანონი ასევე ხელს შუეწყობს მომხმარებელთა უფლებებისა და ინფორმაციულობის ზრდას.

მომავალი წლიდან ბანკებისა და გადამცვლელ პუნქტებს სავალუტო ტაბლოების განთავსების უფლება მხოლოდ ოფისის შიდა ტერიტორიაზე ექნებათ.

გადამცვლელი პუნქტები და სავალუტო ტაბლოები რუსეთის ქუჩებში პირველად 1991 წელს, საბჭოთა კავშირის დანგრევის შემდეგ გამოჩნდა.