საქართველოს პარლამენტის წევრი უმრავლესობიდან, მამუკა მდინარაძე ამბობს, რომ საჯარო სამსახურის შესახებ კანონს უმრავლესობა უკან გაიხმობს. მისი თქმით, კანონპროექტი საჯარო სამსახურის შესახებ კანონის პრინციპებს არ შეესაბამებოდა.

ეს კანონპროექტი განხილული აღარ იქნება, ანუ გაწვეული იქნება და ამისი არგუმენტები იყო ძალიან მყარი, მაგრამ მეორე მხრიდანაც ძალიან სერიოზული არგუმენტები იყო... როდესაც დაიწყო განხილვა, დარეგისტრირდა კანონპროექტი. შემდეგ იყო დათქმა, რომ ვიხელმძღვანელებდით გადაწყვეტილების შესაბამისად", — განაცხადა მდინარაძემ.

6 დეკემბერს პარლამენტის ვებგვერდზე აიტვირთა საჯარო მოხელის შესახებ კანონში შესატანი ცვლილებების კანონპროექტი. მალევე პარლამენტმა მისი დაჩქარებული წესით განხილვის გადაწყვეტილება მიიღო. ამ ცვლილებების შეტანის შემთხვევაში საქართველოს ახალ პრეზიდენტს, სალომე ზურაბიშვილს საშუალება ექნება გაათავისუფლოს ადმინისტრაციის თანამშრომლები და ახალი კადრები კონკურსის გარეშე დანიშნოს.

ამავე თემაზე: ზურაბიშვილს შეეძლება პრეზიდენტის ადმინისტრაციის ყველა თანამშრომელი გაათავისუფლოს — კანონპროექტი