უკრაინის პრეზიდენტმა, პეტრო პოროშენკომ ქვეყანაში საომარი მდგომარეობის გამოცხადების განკარგულებას ხელი მოაწერა. თუ უმაღლესი რადა განკარგულებას მხარს დაუჭერს, ქვეყანა საომარ მდგომარეობაში 25 იანვრამდე იქნება.

უმაღლესმა რადამ საომარი მდგომარეობის შესახებ 26 ნოემბერს უნდა იმსჯელოს. განკარგულება ძალაში გამოქვეყნებისთანავე შევა ძალაში.

პოროშენკომ განაცხადა, რომ საომარი მდგომარეობა არ შეზღუდავს კონსტიუტციურ უფლებებსა და მოქალაქეების თავისუფლებას. კონკრეტულად რა ზომებს იქნება მიღებული, მხოლოდ რადას განხილვის შემდეგ გახდება ცნობილი.

რუსეთის სამხედრო ძალებმა 25 ნოემბერს უკრაინის გემებს ქერჩის სრუტეში თავს დაესხა და 23 უკრაინელი მეზღვაური და სამი გემი დააკავა.

უკრაინა და რუსეთი მომხდარში ერთმანეთს ადანაშაულებენ. მალევე უკრაინის პრეზიდენტმა პეტრე პოროშენკომ სამხედრო კაბინეტი შეკრიბა და განაცხადა, რომ შესაძლოა, საომარი მდგომარეობა გამოაცხადოს. გარდა ამისა, უკრაინის სამხედრო ძალები სრულ საბრძოლო მზადყოფნაში არიან მოყვანილი.

კრიზისი მაშინ დაიწყო, როცა რუსულმა მხარემ უკრაინული გემები თავისი საზღვაო ტერიტორიის დარღვევაში დაადანაშაულა. ამ ფაქტს უკრაინული მხარე უარყოფს. მათი მტკიცებით, გემების გადაადგილების მარშუტი წინასწარ იყო შეთანხმებული რუსულ მხარესთან. კერძოდ, ორი გემი "ბერდიანსკი" და "ნიკოპოლი", ბუქსირ "იანა კაპასთან" ერთად ოდესიდან, ქერჩის სრუტის გავლით, მარიუპოლში მიცურავდნენ. ეს არის ერთადერთი გზა ამ მიმართულებით წასასვლელად, რომლის აკვატორიასაც რუსეთი და უკრაინა იზიარებენ.

აღნიშნულ ქმედებას მაშინვე მოყვა რეაქცია საერთაშორისო საზოგადეობის მხრიდან. ქერჩის სრუტეში მიმდინარე მოვლენების გამო გაეროს უშიშროების საბჭო 26 ნოემბერს საგანგებო სხდომას გამართავს. ამ ქმედებების გამო რუსეთს შესაძლოა, ახალი სანქციები დააკისრონ.

ვრცლად წაიკითხეთ: