რუსეთის პრეზიდენტმა, ვლადიმერ პუტინმა კრემლში გამართულ ღონისძიებაზე რუს ხალხს რუსეთის დღეს მიულოცა.

"მთელი გულით გილოცავთ დღესასწაულს, რომელიც რუსული სახელმწიფოს ძლიერ, უწყვეტ, ათას წელზე დიდი ხნის განმავლობაში გავლილ გზას განასახიერებს, ხაზს უსვამს მის ისტორიასა და კულტურას, უნიკალურ ბუნებრივ სიმდიდრეს, ჩვენი ქვეყნის რეგიონების მრავალფეროვნებასა და ორიგინალურობას. მნიშვნელოვანია, რომ დღეს, როდესაც ამ დღესასწაულს აღვნიშნავთ და ამავდროულად რთულ გამოწვევებს ვპასუხობთ, ვიცავთ სიმართლეს და სამართლიანობას, ვიცავთ ჩვენს ტრადიციულ ღირებულებებს, მომავალზე ვიფიქროთ",— განაცხადა მან.

ვლადიმერ პუტინის თქმით, რუსეთის ყველა მტერი, მათ შორის, NATO-ც მათთან ბრძოლაში დამარcხდება.

"ახლა მტრები ისევ ხროვად იკრიბებიან, იმ იმედით, რომ იოლი მსხვერპლი ეყოლებათ. როგორც ნაპოლეონს არ გამოუვიდა, ჰიტლერს არ გამოუვიდა, ისე არ გამოუვათ NATO-ს თანამედროვე ტურებს. რუსი ბირთვული მეცნიერები და მე მადლობას გიხდით ნდობისთვის და შეგვიძლია დაგარწმუნოთ, რომ არ გაგიცრუებთ იმედებს და მთელი ეს ხროვა კბილებს მოიტეხს ჩვენს ბირთვულ ფარზე", — განაცხადა პუტინმა.