ქართული ოცნების დეპუტატის, რიმა ბერიძის განცახდებით სოციალურ ქსელში განთავსებული პოსტებისთვის სასამართლოში ჩივილით, ოცნებას ხალხის დაშინების სურვილი არ აქვს. როდესაც ტვ პირველის ჟურნალისტმა ბერიძეს ქართული ოცნების პრეზიდენტის, მიხეილ ყაველაშვილის მიერ გინების გამოყენების ფაქტები შეახსენა, ოცნების დეპუტატმა უარყო და დასძინა, რომ ეს კანონი მიღებამდე ხდებოდა.

"არავითარი სურვილი ხალხის დაშინების არ გვაქვს. ქვეყანაში არსებობს კანონი და დემოკრატიულ ქვეყანაში კანონი შესაბამისად იმოქმედებს — კანონი, რომელიც მიიღო საქართველოს პარლამენტმა.

ქვეყანაში აზრის გამოხატვა არ იკრძალება (საჩივრები დაწერილია) შეურაცხყოფის გამო...
ერთი წუთით, რომელი პრეზიდენტი იგინებოდა? — კანონის მიღების შემდეგაა საუბარი ხომ?" — განუცხადა ბერაძემ ტვ პირველს.

ჟურნალისტის კითხვაზე მიაყენებს თუ არა ოცნების დეპუტატი დიტო სამხარაძე მოქალაქეებს და პოლიტიკოსებს სიტყვიერ შეურაცხყოფას კანონის მიღების შემდეგ, რიმა ბერიძემ განაცხადა, რომ "ალბათ, არა".

"ალბათ არა, დიტო იქნება თუ რიმა ბერაძე მოეთხოვება პასუხი," — თქვა ბერიძემ.

შეგახსენებთ, ოცნების დეპუტატების — ნინო წილოსანის, მარიამ ლაშხის, მამუკა მდინარაძის და თეა წულუკიანის სოციალურ ქსელში შეურაცხყოფისთვის 20-მდე პირს დღეს სასამართლოში იბარებენ.

საია-ს ცნობით, საჩივრების სამართლებრივი საფუძველია ადმინისტრაციულ სამართალდარღვევათა კოდექსის ახლად ამოქმედებული 17316-ე მუხლი, რომელიც პასუხისმგებლობას ითვალისწინებს ისეთი ქმედებებისთვის როგორიცაა: სახელმწიფო-პოლიტიკური თანამდებობის პირის, პოლიტიკური თანამდებობის პირის, სახელმწიფო მოსამსახურის/ მასთან გათანაბრებული პირის ან/და საჯარო მოსამსახურის სიტყვიერი შეურაცხყოფა, ლანძღვა-გინება, შეურაცხმყოფელი გადაკიდება ან/და სხვაგვარი შეურაცხმყოფელი ქმედების განხორციელება სამსახურებრივი მოვალეობის შესრულების დროს ან სამსახურებრივი მოვალეობის შესრულებასთან/საქმიანობასთან დაკავშირებით.

ამ ქმედებისთვის განსაზღვრულია 1 500 ლარიდან 4 000 ლარამდე ჯარიმა ან 45 დღემდე პატიმრობა.

როგორც IPN წერს, შსს-ში აცხადებენ, რომ ადმინისტრაციული წარმოება პოლიტიკური თანამდებობის პირის შეურაცხყოფის, ლანძღვა-გინების საქმეზე დაიწყო.