ლონდონისკენ მიმავალი თვითმფრინავის ჩამოვარდნის შემდეგ, ყველა მგზავრი დაიღუპა. ქალაქის პოლიციის კომისარმა The Associated Press (AP)-სთან განაცხადა, რომ მათი აზრით, ავიაკატასტროფისგან გადარჩენილები არ არიან. თვითმფრინავში 242 მგზავრი და ეკიპაჟის წევრები იმყოფებოდა. ინფორმაციას CNN ავრცელებს.

"როგორც ჩანს, ავიაკატასტროფას ვერავინ ვერ გადაურჩა…ზოგიერთი ადგილობრივი მცხოვრებიც დაიღუპებოდა", — აცხადებს პოლიციის კომისარი მალიქი.

ის The Associated Press (AP)-სთან აცხადებს, რომ გარდაცვლილთა ზუსტი რაოდენობა დგინდება.

უფროსმა პოლიციის ოფიცერმა ჟურნალისტებს შეატყობინა, რომ თვითმფრინავი ექიმთა საერთო საცხოვრებელს დაეცა.

ინდოეთის პრემიერმინისტრმა, ნარენდრა მოდიმ მომხდართან დაკავშირებით მწუხარება გამოხატა.

"აჰმადაბადში მომხდარმა ტრაგედიამ გაგვაოგნა და დაგვამწუხრა. გულდასაწყვეტია, სიტყვებით გადმოცემა შეუძლებელია. ამ სამწუხარო საათში ჩემი ფიქრები ყველა დაზარალებულთანაა. დავუკავშირდი მინისტრებსა და ხელისუფლების წარმომადგენლებს, რომლებიც დაზარალებულების დასახმარებლად მუშაობენ", — წერს მოდი.

თვითმფრინავის კომპანია Boeing Airplanes-ის მიერ X-ზე გავრცელებულ პოსტში ვკითხულობთ: "ჩვენი ფიქრები არის მგზავრებთან, ეკიპაჟსა და ყველა დაზარალებულთან."