Firebird და სომხეთის მთავრობა, Nvidia-ს მხარდაჭერით, ხელოვნური ინტელექტის ქარხანას ააშენებს. სომხეთის პრემიერმინისტრმა ნიკოლ ფაშინიანმა ახლად დაანონსებული Firebird AI -ს პროექტი ქვეყნის ტექნოლოგიურ სფეროში "ყველაზე მნიშვნელოვან ინვესტიციად" შეაფასა. ამის შესახებ სომხური მედია წერს.

ფაშინიანი წერს, რომ "Firebird Cloud AI სომხეთში ტექნოლოგიების სფეროში ყველაზე დიდი და მნიშვნელოვანი ინვესტიციაა — სომხეთის "ვარსკვლავური კარიბჭეა".

"ეს იდეა [NVIDIA-ს აღმასრულებელი დირექტორის] ჯენსენ ჰუანგის 2023 წელს ერევანში ვიზიტისას გაჩნდა. დღეს ის რეალობად იქცა: ხელოვნური ინტელექტის ქარხანა ათასობით NVIDIA-ს უახლესი თაობის გრაფიკული პროცესორით, რომელიც ინოვაციის წამყვანი მექანიზმი იქნება მთელ სომხეთში ,"— დაწერა ფაშინიანმა სოციალურ ქსელ X-ში.

firebird-ის ცნობით, კომპანია 500 მილიონი დოლარის ინვესტიციას დებს სომხეთის მთავრობასთან საჯარო-კერძო პარტნიორობაში, რომელიც ხელს შეუწყობს AI ტექნოლოგიების განვითარებას და ქვეყნის ტექნოლოგიური ეკოსისტემის გაფართოებას. ინიციატივა მიზნად ისახავს მაღალი წარმადობის ინფრასტრუქტურის ინოვაციების გაერთიანებას.