მედიაში გავრცელებული ინფორმაციით, ვაჟა სირაძემ თანამდებობა დატოვა და მის ნაცვლად საპატრულო პოლიციის დეპარტამენტის ახალ დირექტორად ლევან მაისურაძე დაინიშნა.

შსს-ის ვებგვერდზე საპატრულო პოლიციის დეპარტამენტის ხელმძღვანელად უკვე ლევან მაისურაძეა მითითებული.

შეგახსენებთ, რომ ვაჟა სირაძე სანქცირებული იყო ჩეხეთისა და სამი ბალტიის ქვეყნის — ლიეტუვის, ლატვიისა და ესტონეთის მიერ.

NEWS.On.ge შსს-სთან ცდილობს დაკავშირებას. დამატებითი დეტალების გარკვევის შემთხვევაში, ინფორმაცია განახლდება.

შსს-ს საპატრულო პოლიციის დეპარტამენტის დირექტორის თანამდებობაზე ვაჟა სირაძე 2019 წელს დაინიშნა.bm.ge-ს ცნობით, მანამდე ლევან მაისურაძე თბილისის პოლიციის დეპარტამენტის ძველი თბილისის სამმართველოს უფროსის თანამდებობას იკავებდა.