1. Crazy Frog - Axel F

ვიცით, რომ ნონსენსია, ვიცით, რომ ნაგავია, მაგრამ სცადეთ და ერთხელ მოსმენის შემდეგ მთელი დღე არ აგეკვიატოთ.

2. Soulja Boy Tell'em - Crank That (Soulja Boy)

იყო დრო, როდესაც ამ ტრეკის ხმა ყველა კლუბიდან ისმოდა. 2007 წელს სიმღერა მსოფლიოს მრავალი ქვეყნის ჩარტში შეიჭრა და გამაღიზიანებლად წარმატებული გახდა. ნერვებზე მოთამაშე განგსტერული ტრეკის პოპულარობა კი დღემდე აუხსნელი ფენომენია.

3. Rednex - Cotton Eye Joe

90-იანი წლების ჰიტი, რომელსაც სკოლის გამოსაშვებ საღამოებსა და ქორწილებში აჟღერებდნენ, მაშინ როცა სიმთვრალე ლოგიკას ანაცვლებდა. რედნექსმა სიმღერა 1994 წელს გამოუშვა და მას შემდეგ ქანთრი მუსიკის ჩემპიონის ტიტულს ინარჩუნებს.

4. The Black Eyed Peas - My Humps

არ ვკამათობთ, რომ ფერგი ძალიან მიმზიდველი ქალია, თუმცა მართლა გვჭირდება სიმღერა, რომელიც მის სიამაყეებს ეძღვნება? სიმღერა, რომლის ტექსტშიც My Humps 30-ჯერ მაინცაა ნახსენები და რომელშიც მომღერალი მისი უკანალით ტრფობისკენ მოგვიწოდებს?

5. Silentó - Watch Me (Whip/Nae Nae)

2015 წელს მსოფლიო ახალმა სენმა შეიპყრო. ალბათ, არ დარჩა დედამიწაზე ადამიანი, რომელმაც ნებით, თუ უნებლიედ ამ სიმღერის არსებობის შესახებ არ იცის. რთულია ახსნა კონკრეტულად რას ეძღვნება სიმღერა, ან ვის, ან ტექსტი რას ნიშნავს, ან ვიდეო, ან საერთოდ რა უნდა მომღერალს. მაგრამ ფაქტია, ამ საშინლად გამაღიზიანებელი მუსიკის კლიპს იუთუბზე მილიარდზე მეტი ნახვა აქვს.

6. #SELFIE - The Chainsmokers

#SELFIE სტანდარტული კლუბური ტრეკია და სულაც არ არის ყველაზე ცუდი სიმღერა. ეს კლუბის საპირფარეშოში მიმდინარე დიალოგია (უფრო მონოლოგი) ყურსასმენების დაწვას და განადგურებას რომ გაიძულებთ. თუმცა ვიდეოს 450 მილიონზე მეტი ნახვა აქვს იუთუბზე და მაინც წარმატებულ ნამუშევრად ითვლება.

7. Aqua - Barbie Girl

Rolling Stone-მა Barbie Girl 90-იანი წლების ყველაზე ცუდ სიმღერად დაასახელა. რა უფრო უარესია, საშინლად სექსისტური ტექსტი, ქალების კაცების კუთვნილ პლასტიკურ თოჯინებად წარმოჩენა, თუ ბარბის ბავშვურ, სპეტაკ სამყაროში გაუგებარი სექსუალურობის შეტანა?

8. Justin Bieber - Baby ft. Ludacris

და როცა იფიქრებთ, რომ უარესი აღარ არსებობს.

9. Rebecca Black - Friday

ჯასტინი და რებეკა თინეიჯერთა იმ ჯგუფს წარმოადგენენ, რომელთაც ინტერნეტმა ერთდროულად მოუტანა ცნობადობა, წარმატება და კიბერ ბულინგი. თუმცა დამსახურებულად. რებეკას სიმღერის და მისი ვიდეოს ყველა ნაწილი ერთნაირად ცუდია.

ისიამოვნეთ! კიარადა...