შინაგან საქმეთა სამინისტრომ ქედაში ქვის კარიერის აფეთქებისას ბავშვის გარდაცვალების საქმეზე თურქეთის სამი მოქალაქე დააკავა. მათ ბრალად ბრალად ფეთქებადი ნივთიერებების წესების დარღვევით გამოყენება ედება ბრალად.

გამოძიების პირველადი ინფორმაციით, მიმდინარე წლის 31 ოქტომბერს ქედის რაიონის სოფელ ჭინკაძეებში, შპს სტრუიკ გრუპ ჯორჯიას ქვე კონტრაქტორი შპს ალბაირაქის და შპს დინამიტი-ლ.დ-ს თანამშრომლები უკანონოდ და უსაფრთხოების წესების დარღვევით აწარმოებდნენ ბურღვა-აფეთქებით სამუშაოებს. ძლიერი აფეთქების შედეგად გასროლილი ქვა თავის არეში მოხვდა 2012 წელს დაბადებულ ბავშვს, რომელიც მიყენებული დაზიანების გამო ადგილზე გარდაიცვალა.

მომხდარ ფაქტზე გამოძიება საქართველოს სისხლის სამართლის კოდექსის 244-ე მუხლით მიმდინარეობს, რაც ფეთქებადი ნივთიერების წესების დარღვევით გამოყენებას გულისხმობს. ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით ორიდან ხუთ წლამდე.