თბილისის საერთაშორისო აეროპორტიდან ევროპის კიდევ 5 ქალაქის მიმართულებით ფრენები შესრულდება. სამოქალაქო ავიაციის სააგენტოს ინფორმაციით, ავიაკომპანია Myway Airline-ს რომის, დიუსელდორფის, ბუდაპეშტის, მოიუნხენის და ათენის მიმართულებით რეგულარურ საჰაერო მიმოსვლას განახორციელებს.

ფრენები ზამთრის სანავიგაციო სეზონის განმავლობაში შემდეგი განრიგებით შესრულდება:

  • თბილისი-რომი-თბილისის საჰაერო ხაზზე კვირაში 2-ჯერ, ყოველ ხუთშაბათსა და კვირას, 2018 წლის 28 ოქტომბრიდან 2019 წლის 28 მარტამდე;
  • თბილისი-დიუსელდორფი-თბილისის საჰაერო ხაზზე კვირაში 5-ჯერ, ყოველ ორშაბათს, სამშაბათს, ხუთშაბათს, პარასკევსა და კვირას, 2018 წლის 29 ოქტომბრიდან 2019 წლის 29 მარტამდე;
  • თბილისი-ბუდაპეშტი-თბილისის საჰაერო ხაზზე კვირაში 3-ჯერ, ყოველ სამშაბათს, ხუთშაბათსა და კვირას), 2018 წლის 28 ოქტომბრიდან 2019 წლის 29 მარტამდე;
  • თბილისი-ათენი-თბილისის საჰაერო ხაზზე კვირაში 2-ჯერ, ყოველ ოთხშაბათსა და შაბათს, 2018 წლის 31 ოქტომბრიდან 2019 წლის 30მარტამდე;
  • თბილისი-მიუნხენი-თბილისის საჰაერო ხაზზე კვირაში 2-ჯერ, ყოველ სამშაბათსა და შაბათს, 2018 წლის 30 ოქტომბრიდან 2019 წლის 30მარტამდე;

სააგენტოს ინფორმაციით, გაიზარდა ფრენის სიხშირე თბილისი-თელ ავივი-თბილისის საჰაერო ხაზზე და ზამთრის სანავიგაციო სეზონის განმავლობაში ფრენები კვირაში 4-ჯერ შესრულდება.