ლაგოდეხის მუნიციპალიტეტის ნაკრძალში ორი ძაღლი ჩამომხრჩვალი იპოვნეს. ამის შესახებ ფოტო მასალა ადგილობრივმა ფეისბუქში გაავრცელა. აღნიშნული On.ge-ს შინაგან საქმეთა სამინისტროში დაუდასტურეს. უწყების ცნობით, შემთხვევა გუშინ, 9 სექტემბერს მოხდა.

შსს-ს განმარტებით, ბრალდებულის ვინაობა ცნობილია, ის ძაღლების პატრონია. გამოძიება უწყებამ საქართველოს სისხლის სამართლის კოდექსის 259-ე მუხლის პირველი ნაწილით დაიწყო. ეს მუხლის გულისხმობს ცხოველისადმი სასტიკ მოპყრობას. შსს-ს თქმით, საქმეზე დანიშნულია ექსპერტიზა და მიმდინარეობს გამოძიება.