სამთავრობო ტელეკომპანია იმედის ცნობით, საქალაქო სასამართლომ მოქალაქე პაატა შაქარაშვილის საქმე განიხილა. მას სოციალურ ქსელში პარტია "საქართველოსთვის" წევრის, ტატა ხვედელიანის შეურაცხყოფისთვის სამი ათასი ლარი შეეფარდა.

მათ ცნობით, სასამართლო პროცესს არ ესწრებოდა არც სამართალდამრღვევი და არც მისი უფლებადამცველი.

შეგახსენებთ, რომ სიძულვილის ენის წინააღმდეგ ბრძოლის სამმართველომ ფუნქციონირება 1-ელი ივნისიდან დაიწყო. შსს-ს ცნობით, სამმართველოს ძირითადი ფუნქცია-მოვალეობები ადამიანის ღირსების შემლახველი-შეურაცხმყოფელი და სიძულვილის ენის შემცველი საჯაროდ გავრცელებული იმგვარი განცხადებების მონიტორინგი და პროაქტიული გამოვლენაა, რომელიც შეიცავს საქართველოს ადმინისტრაციულ სამართალდარღვევათა კოდექსით გათვალისწინებულ სამართალდარღვევის ნიშნებს.