მგზავრები, რომლებსაც ფრენისას ვხვდებით, ყოველთვის კარგ შთაბეჭდილებას არ ტოვებენ. ეს ყოველთვის მათი პრობლემა არაა, უბრალოდ 9 საათი უცნობი ადამიანის გვერდით, იშვითად ხვდება საუკეთესო მოგონებების სიაში.

თუმცა, შეუძლებელი არაფერია. როგორც ბრიტანული ბანკის HSBC-ს მიერ ჩატარებული კვლევის შედეგად გაირკვა, 50-დან ერთი ადამიანი თვითმფრინავში თავისი ცხოვრების სიყვარულს ხვდება. აუტანელი მგზავრების სიისთვის დანარჩენი 49-ც საკმარისია.

შედეგებამდე, კვლევის ავტორებმა 141 ქვეყნიდან 2 150 ადამიანი გამოკითხეს. 6 000-მა ადამიანმა კი, უბრალოდ ქვიზი შეავსო. მონაწილეებს ეკითხებოდნენ, რამდენად დასაშვებად მიაჩნდათ კილომეტრების სიმაღლეზე რკინის მფრინავ ობიექტში ყოფნისას ცხოვრების მეგზურის პოვნა.

როგორც დიდი ბრიტანეთის ავიახაზების ძველი პოსტერებიდან ირკვევა, თვითმფრინავში სიყვარულის პოვნის საკითხი 1960-იანი წლებიდან აქტუალურია.

ფოტო: Courtesy British Airways / Amberley Publishing / CNN

გამოკითხულთა 50%-ზე მეტი ამბობს, რომ ფრენისას უცნობ მეგზურთან გულწრფელ საუბარს იწყებს. ყოველი 7-დან ერთი მგზავრი თვითმფრინავში მეგობარს იძენს, 16% კი — ბიზნესპარტნიორს პოულობს.

თუმცა არიან უკმაყოფილოებიც. 37%-ის თქმით, ღიზიანდებიან, როცა მგზავრები მის პირად სივრცეს არღვევენ, 32%-ს მკლავის საერთო ჩამოსადების გამოყენება აბრაზებს, 30% წუხდება, როდესაც მის მხარზე სძინავთ, ხვრინვას კი მგზავრების 26% გამოჰყავს წყობიდან.

ასე რომ, სანამ სხვა ადამიანებს პატივს სცემ, შესაძლოა მართლა იპოვო მეორე ნახევარი ფრენის დროს, მთავარია სწორად აარჩიო, რომელ დღეს და რა მიმართულებით დაჯავშნი ბილეთს.