რითი იკვებებიან სკოლის მოსწავლეები მსოფლიოს სხვადასხვა ქვეყნებში

გახსოვთ თქვენი სკოლის სასადილო? ხშირ შემთხვევაში ღმერთმა უწყის რას მივირთმევდით, მაგრამ გვენატრება, ან თუ არ გვენატრება ის მაინც გვახსოვს, 45 წუთიანი გაკვეთილის შემდეგ სად შეგვეძლო საკუთარი მსუნაგობა დაგვეკმაყოფილებინა და ზარის შემდეგ, დასვენების გასატარებლად, ყველაზე იდეალური ადგილს აუცილებლად ვსტუმრობდით.

საქართველოში სკოლის სასადილოების მენიუ ხშირ შემთხვევაში ასეთია:

ერთი ნაჭერი ძეხვი და პური
ერთი ნაჭერი იმერული ყველი და პური
საფირმო ლობიანი, რომელსაც რატომღაც შიგნით ხან ქვა ხანაც ცელოფანი ჰქონდა
ხაჭაპური რომლის შიგთავსიც ყველის მაგივრად მარილიანი მაკარონი იყო
ქადა, რომელიც დიდი ალბათობით თქვენს კბილებს შეიწირავდა
ლიმონათი - რომელსაც ისეთი ფერი ჰქონდა, ენა სავარაუდოდ დღემდე ჟანგიანი გგონიათ.

ცხადია, რომ სკოლაში ჯანსაღად არ ვიკვებებოდით, თუმცა საბედნიეროდ დღეს ეს პრობლემა ბევრ სკოლაში მოგვარებულია. სკოლის სასადილოები მსოფლიოს მასშტაბით სხვადასხვანაირია და მისი მრავალფეროვნება დამოკიდებულია ამ ქვეყნის კულტურასა და გეოგრაფიულ მდებარეობაზე.

წარმოგიდგენთ სკოლის მენიუს აშშ-დან სამხრეთ-კორეამდე, რომელიც სკოლის სასადილოების მრავალფეროვნებას გვიჩვენებს.

1. საფრანგეთი

სტეიკი, სტაფილო, მწვანე ლობიო, ყველი და ხილი.

2. ფინეთი

ბარდის წვნიანი, ჭარხლის სალათი, სტაფილოს სალათი, პური და ფენქეიქი კენკრით.

3. ბრაზილია

ღორის ხორცი ბოსტნეულის სალათით, შავი ლობიო და ბრინჯი, სალათი, პური და გამომცხვარი პლანტანები (ბანანის სახეობა).

4. საბერძნეთი

ქათამი რიზონით, ვაზის ფოთლის ტოლმა, კიტრის და პომიდვრის სალათი, ფორთოხალი და მაწონი ბროწეულის მარცვლებით.

5. იტალია

თევზი რუკოლასთან ერთად, პასტა პომიდვრის სოუსით, კაპრეზეს სალათი, ბაგეტი და ყურძენი.

6. სამხრეთი კორეა

თევზის წვნიანი, ტოფუ ბრინჯით, კიმჩი და ბოსტნეული.

7. ესპანეთი

შემწვარი კრევეტი ბრინჯით და ბოსტნეულით, გასპაჩო, წიწაკა, პური და ფორთოხალი.

8. უკრაინა

პიურე და ძეხვი, ბორში, კომბოსტო და სირნიკი.

9. აშშ

ქათმის ნაგეტსები, პიურე, ბარდა, ხილის სალათი და შოკოლადის ორცხობილა.

როგორც ხედავთ მოსწავლეების მენიუები ყველა ქვეყანაში მრავალფეროვანია, რადგან იმისთვის, რომ ბავშვს საკმარისი ენერგია და კონცენტრაციის უნარი ჰქონდეს, საჭიროა მისი დაბალანსებული რაციონით დანაყრება.

ბოლო ამბები:

გირჩევთ