საქართველოს ჭიდაობის ფედერაციის შენობის ასასვლელში პლაკატების გაკვრის გამო პოლიციამ იქ გამართული აქციის მონაწილეს ადმინისტრაციულ სამართალდარღვევათა ოქმი შეუდგინა. ოქმის გამოწერამდე პოლიციის თანამშრომლებმა აქციის მონაწილეებს პლაკატის ჩამოხსნისკენ მოუწოდეს, თუმცა უარი მიიღეს.

პოლიციას მიაჩნია, რომ პლაკატებმა ქალაქის იერსახე დაამახინჯეს. აქციის მონაწილეები კი პოლიციასთან საუბრის დროს აცხადებდნენ, რომ მათთვის სამართალდარღვევის შესახებ ცნობილი იყო და მზად იყვნენ ჯარიმა გადაეხადათ. მათ სურდათ, რომ იქამდე არ ჩამოხსნილიყო პლაკატები, სანამ მოჭიდავეები არ ნახავდნენ.

აქციის მონაწილეებმა მოჭიდავეების გასაშარჟებლად, რომლებმაც ჩრდილოეთ ოსეთის დეპუტატთან და რუსეთის ნაკრების მთავარ მწვრთნელთან, ჯაბო თადეევის სახიანი მაისური ჩაიცვეს, მსგავსი განლაგებით ფოტოც გადაიღეს.

შეგიძლია თვალი ადევნოთ On.ge-ს ვიდეოს, რომელზეც ასახულია პოლიციის მიერ აქციის მონაწილისთვის ოქმის გამოწერა.