"წნევის წამლები", რომლებიც კიბოს რისკს ზრდიან, ქართულ აფთიაქებში იყიდება
საქართველოს სააფთიაქო ქსელებში კიბოს რისკის შემცველი კარდიოლოგიური მედიკამენტები, ე.წ. წნევის წამლები იყიდება. მსგავსი საფრთხის შემცველი 11 დასახელების 42 სახეობის მედიკამენტის რეგისტრაციის შეჩერების ბრძანება სამედიცინო საქმიანობის სახელმწიფო რეგულირების სააგენტოს უფროსმა 13 აგვისტოს გამოსცა, თუმცა დღეს, 16 აგვისტოს მათი ნაწილი ისევ ხელმისაწვდომია.
წამლის რეგულირების სააგენტოს ფარმაცევტული საქმიანობის დეპარტამენტის წარმომადგენელი, ნაილი შენგელიძე On.ge-სთან საუბარში განმარტავს, რომ საქმე ეხება აქტიურ სუბსტანციას (ვალსარტანს), რისგანაც წამლები მზადდება და რომლის მწარმოებელი ერთ-ერთი ჩინური ფარმაცევტული კომპანიაა. ის ხაზგასმით აღნიშნავს, რომ 11-ვე დასახელების მედიკამენტის მოხმარება შეიცავს რისკებს.
ნაილი შენგელიძის თქმით, შეჩერებულია მხოლოდ იმ მედიკამენტების რეგისტრაცია, რომელთა სარეგისტრაციო დოსიეში აქტიური სუბსტანციის მწარმოებლად კონკრეტული ჩინური კომპანია ფიქსირედებოდა. მანვე განმარტა, რომ სხვა კომპანიების მიერ წარმოებული ვალსარტანი პრობლემური არ არის.
"ჩინურმა კომპანიამ თავის წარმოებაში რაღაც შეცვალა ტექნოლოგიაში და გამოვლინდა, რომ იქ იყო მინარევი, რაც, შესაძლოა, იყოს ონკოლოგიური დაავადების გამომწვევი რისკ-ფაქტორი".
საფრთხის შემცველი მედიკამენტების დასახელება
- Valsar-Denk (40მგ; 80მგ; 160მგ; 320მგ);
- CoValsar-Denk (80/12,5; 160/12,5; 320/12,5);
- CARDOPAN-SANOVEL (80მგ; 160მგ; 320მგ);
- CARDOPAN-SANOVEL PLUS (80/12,5; 160/12,5; 320/12,5);
- Valz (40მგ; 80მგ; 160მგ);
- Valz H (80მგ; 160მგ);
- NORTIVAN® (80მგ; 160მგ);
- Cardofix-Sanovel (5მგ/160მგ; 10მგ/160მგ);
- Cardofix-Sanovel Plus (5მგ/160მგ/12,5მგ; 5მგ/160მგ/25მგ; 10მგ/160მგ/12,5მგ; 10მგ/160მგ/25მგ);
- Amva Denk (5მგ/80მგ; 5მგ/160მგ; 10მგ/160მგ);
- Amva + HCTDenk (mite 5მგ/160მგ/12,5მგ; 10მგ/160მგ/12,5მგ; forte 10მგ/160მგ/25მგ).
ფარმაცევტული საქმიანობის დეპარტამენტის წარმომადგენელის თქმით, აღნიშნული დასახელების მედიკამენტების რეესტრიდან ამოღების შესახებ უკვე აცნობეს საბაჟო გამშვებ პუნქტებს, რათა იმპორტი შეჩერდეს და შემომტანებმა და დისტრიბუტორებმაც გამოითხოვონ ბაზრიდან. თუმცა ზოგიერთი მედიკამენტი, რომელთა რეგისტრაცია შეჩერებულია, ქართულ აფთიაქებში ჯერ კიდევ იყიდება.
On.ge საქართველოში არსებულ რამდენიმე დიდი სააფთიაქო ქსელის ცხელ ხაზსს დაუკავშირდა და ამ ჩამონათვალიდან პირველი ოთხი მედიკამენტის მარაგებთან დაკავშირებით ჰკითხა. ცხელი ხაზის ოპერატორებისგან მიღებული ინფორმაციის მიხედვით, PSP-ში, ავერსიში, ჯპს-სა და ფარმადეპოში CARDOPAN-SANOVEL-სა და CARDOPAN-SANOVEL PLUS-ის სხვადასხვა დოზა ამ დრომდე ხელმისაწვდომია. გარდა ამისა, როგორც ოპერატორებმა აღნიშნეს, ჯპს-სა და ფარმადეპოს ზოგიერთ ფილიალში Valsar Denk-ის ყიდვაც შეიძლებოდა.
აფთიაქების პასუხი
On.ge დაუკავშირდა PSP-ს, ავერსის, ჯპს-სა და ფარმადეპოს საზოგადოებასთან ურთიერთობის სამსახურების წარმომადგენლებს, მიაწოდა სამედიცინო საქმიანობის სახელმწიფო რეგულირების სააგენტოს უფროსის ბრძანება და ჰკითხა იცნობენ თუ არა მსგავს დოკუმენტს და აპირებენ თუ არა მედიკამენტების გაყიდვიდან ამოღებას.
PSP
PSP-ს საზოგადოებასთან ურთიერთობის სამსახურში ადასტურებენ, რომ CARDOPAN-SANOVEL და CARDOPAN-SANOVEL PLUS მათ სააფთიაქო ქსელში ამ დრომდე იყიდება. აფთიაქში ამბობენ, რომ წამალს იმ შემთხვევაში ამოიღებენ გაყიდვიდან, თუ მათთან შესაბამისი შინაარსის წერილი მივა.
მასალის გამოქვეყნების შემდეგ PSP-ში აღნიშნეს, რომ იმის მიუხედავად, რომ წამლებთან დაკავშირებით ჯერ სახელმწიფო უწყებებისგან წერილი არ მიუღიათ გაყიდვებს აჩერებენ და მსგავსი მოთხოვნით მიმართეს სხვა აფთიაქებსაც, რომელსაც ამარაგებენ.
ჯპს და ფარმადეპო
ჯპს-სა და ფარმადეპოში ამბობენ, რომ რეგისტრაციის დროებითი შეჩერება ცალსახად არ ნიშნავს პროდუქტის რეალიზაციის შეწყვეტას.
"ფარმაცევტული პროდუქციის რეალიზაციის შეწყვეტა და ბაზრიდან გამოთხოვა ხდება მომწოდებელი ფარმაცევტული კომპანიების და/ან ჯანდაცვის სამინისტროს შესაბამისი მითითების საფუძველზე", - განმარტებულია სააფთიაქო ქსელების ხარისხის კონტროლის სამსახურის მიერ On.ge-სთვის მიწერილ წერილში.
ავერსი
ავერსის საზოგადოებასთან ურთიერთობის სამსახურში ამბობენ, რომ CARDOPAN-SANOVEL-სა და CARDOPAN-SANOVEL PLUS-ის საქართველოში შემომტანი PSP არის და "ხარვეზის აღმოფხვრამდე" მათგან წამლის გაყიდვების შეჩერებაზე წერილი უკვე მიიღეს. პრესსამსახურში დასძენენ, რომ PSP-ს მიმართვის გათვალისწინებას აპირებენ.
მედიკამენტების შეზღუდვის მიზეზი
მედიკამენტების რეგისტრაციის შეჩერებას საფუძვლად დაედო აშშ-ს სურსათისა და წამლის ადმინისტრაციის მიერ გავრცელებული განცხადება, სადაც ისინი ექიმებსა და პაციენტებს აფრთხილებენ, რომ დაუყოვნებლივ გამოითხოვონ აშშ-ს ბაზრიდან ვალსარტანის შემცველი წამლების ნაწილი.
წამალი მაღალი წნევისთვის და გულსისხლძარღვთა დაავადებებისთვის გამოიყენება. მისი ბაზრიდან გაწვევა მედიკამენტში N-nitrosodimethylamine-ის (NDMA) აღმოჩენამ გამოიწვია. ლაბორატორიული კვლევებით, NDMA კლასიფიცირდა, როგორც შესაძლო კარცენოგენი, ანუ ნივთიერება, რაც კიბოს იწვევს.
აშშ-ს სურსათისა და წამლის ადმინისტრაციის განცხადებაში ნათქვამია, რომ გამოთხოვილი კომპანიები, რომელთა წარმოებული წამლები ვალსარტანს შეიცავენ, Zhejiang Huahai Pharmaceuticals-ის მიერაა წარმოებული ლინჰაიში, ჩინეთში.
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
-
-
-
გადახედვაყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა ყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
კომენტარები