წალენჯიხაში 50 წლამდე კაცი, რომელიც ტრაქტორის ქვეშ მოჰყვა, გარდაიცვალა. შინაგან საქმეთა სამინისტოში On.ge-ს განუცხადეს, რომ გარდაცვლილი თავად იყო ტრაქტორის მძღოლი.

მათივე ინფორმაციით, საქმეზე გამოძიება სისხლის სამართლის კოდექსის 240-ე მუხლის მეორე ნაწილით დაიწყო. ამ მუხლით, უსაფრთხოების წესის დარღვევა სამთო, სამშენებლო ან სხვა სამუშაოს წარმოებისას, რამაც ადამიანის სიცოცხლის მოსპობა გამოიწვია ისჯება შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით ორიდან ხუთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.