"6 აგვისტოდან ვიწყებ ფართო კონსულტაციებს, რომელიც მოიცავს უაღრესად გახსნილ დემოკრატიულ ჩართულობას ყველა იმ პირთან რომელთაც შეუძლიათ დაეხმარონ სახელმწიფოს ახალი უზენაესი სასამართლოს შერჩევაში", - ამის შესახებ პრეზიდენტმა გიორგი მარგველაშვილმა დღეს, 2 აგვისტოს ნინო გვენეტაძის გადადგომასთან დაკავშირებით გამართულ ბრიფინგზე განაცხადა.

პრეზიდენტის თქმით, უზენაესი სასამართლოს ის წარადგენს არა როგორც პრეზიდენტი, არამედ აპირებს ამ პროცესში მთელი საზოგადოება ჩართოს.

პრეზიდენტმა მოუწოდა ყველას, მათ შორის აკადემიური სფეროს წარმომადგენლებს, ჩაერთონ შერჩევის პროცესში:

"პროცესის მიზანი უნდა იყოს ისეთი ადამიანის შერჩევა, რომელიც შეძლებს დაწყოს სასამართლო სისტემის გაჯანსაღება და რომელსაც ექნება საზოგადოების მხარდაჭერა".

უზენაესი სასამართლოს თავმჯდომარე ნინო გვენეტაძე დღეს, 2 აგვისტოს გადადგა. როგორც უზენაესი სასამართლოს განცხადებაშია ნათქვამი, მისი გადადგომა ჯანმრთელობის მდგომარეობას უკვაშირდება, რომელიც საზღვარგარეთ რამდენიმეთვიან მკურნალობას მოითხოვს.