"ჩვენ პარლამენტში დავიწყეთ ეს პროცესი და დარწმუნებული ვარ, რომ ისეთი უმრავლესობით მოვალთ, რომ აუცილებლად ამ ცვლილებას დავაფიქსირებთ კონსტიტუციაში" - ასეთი კომენტარი გააკეთა საქართველოს პრემიერ-მინისტრმა, გიორგი კვირიკაშვილმა ბოლო დროს მიმდინარე კამპანიაზე, რომელიც კონსტიტუციაში ქორწინების, როგორც ქალისა და მამაკაცის ერთობის შესახებ განსაზღვრას მოითხოვს.

2016 წლის 10 მარტს პარლამენტის 80 წევრის ინიციატივით პარლამენტს წარედგინა საკონსტიტუციო კანონპროექტი, რომელიც კონსტიტუციის 36-ე მუხლის დაზუსტებას შეეხებოდა. აღნიშნულმა მუხლმა, რომელიც ქორწინების დეფინიციას შეეხება, ვერ დააგროვა 113 ხმა და შესაბამისად, პარლამენტმა ვერ მიიღო. თუმცა, საინიციატივო ჯგუფმა კონსტიტუციის შესაცვლელად სხვა გზა მოიფიქრა.

"თანახმა ხართ, თუ არა, რომ სამოქალაქო ქორწინება განისაზღვროს, როგორც ოჯახის შექმნის მიზნით კავშირი მამაკაცსა და ქალს შორის?" - ასეთი ფორმულირება აქვს სარეფერენდუმო შეკითხვას, რომლის ჩატარებისთვის სანდრო ბრეგაძემ, სოსო მანჯავიძემ და ზვიად ტომარაძემ 200 ათასზე მეტი ხელმოწერა შეაგროვეს და ცესკოს წარუდგინეს.

ცესკომ აღნიშნული ინიციატივა დააკმაყოფილა და პრეზიდენტს, გიორგი მარგველაშვილს გადაუგზავნა განსახილველად. მარგველაშვილმა 30 დღის ვადაში უნდა გადაწყვიტოს, დააკმაყოფილებს თუ არა ინიციატივას.

ამავე თემაზე: