საპარლამენტო უმრავლესობის წევრი, მამუკა მდინარაძე ამბობს, რომ ეკონომიკისა და ინფრასტრუქტურის სამინისტროებში საბიუჯეტო თანხების მითვისება/გაფლანგვის საქმეზე გამოძიება გამოძიება ჯერ კიდევ ძველი მინისტრების თანამდებობაზე ყოფნის დროს დაიწყო. ამის შესახებ მდინარაძემ ტელეკომპანია იმედის ეთერში განაცხადა.

"[გამოძიება] გაცილებით ადრე [დაიწყო] ვიდრე მათი სახლში წასვლა გადაწყდებოდა. ძველი გამოძიებაა, ძველი საქმეა... ჩვენი ყოფილი წარმომდგენელი იქნება თუ სხვისი, ახლანდელი თუ მომავალი, ყველა თანამდებობის პირმა უნდა გასცეს კითხვებს პასუხი, რაც გამოძიებას გაუჩნდება", - თქვა მდინარაძემ.

რამდენიმე დღის წინ ცნობილი გახდა, რომ საქართველოს მთავარ პროკურატურაში ყოფილი მინისტრები დიმიტრი ქუმსიშვილი და ზურაბ ალავიძე გამოკითხეს. უწყების ინფორმაციით, ყოფილი მინისტრები ეკონომიკისა და ინფრასტრუქტურის სამინისტროებში საბიუჯეტო თანხების მითვისება/გაფლანგვის საქმეზე გამოკითხეს.